موضوع حلو وفي جانب كبير من الصحة ..
الآن الحديث أو المقارنة بين الرجل والمرأة بالعمر أنا ما راح أناقش فيه لانه شي طبيعي ومافي اتنين بيختلفوا عليه انو المرأة بتكبر أسرع من الرجل وهالشي بسبب أشياء معروفة .. وكمان التركيب الفسيولوجي والمهام الي الله خصصها للمرأة تختلف عن التركيب الفسيولوجي ومهام الرجل وهالشي سبب كبير بالعمر واختلافه ..
وأكيد بصدق انه تكون ريفاثي الي مثلت مع سلمان بهالصورة .. أولاً لانها امرأة وتانيا لأنها بعدت عن أضواء الشهرة وهالشي بردو بيخليها تقلل من اهتمامها بنفسها ..
الشي الي ممكن يلفت النظر تقارب الأعمار بين أفراد الجنس الواحد أو اختلافها واختلاف الشكل تبعاً لهيك..
يعني..آكشاي و آرجون ..أنيل و جاكي شروف..سنجاي و بومان..عمران و ريتيك
كل الاختلاف أعتقد بيرجع أولاً للصورة أو القالب الي بيضع الانسان نفسه فيها من البداية .. وكمان سبحان الله في ناس ربنا خلقهم بيبين الكبر بسرعة عليهم والعوامل النفسية الها أكبر أثر بالموضوع .. يعني في رأيي المتواضع الي بيظهروا أقل سناً مع انهم هم الأكبر بتكون الشهرة ساعدت في هالشي لانه شركات بتهتم فيهم وبجمالهم وصحتهم وحتى هم أنفسهم بيهتموا بحالهم أكتر من اهتمام الناس الأقل شهرة بنفسها
بس مثلاً بريتي و راني نفس الشهرة في حين زي ما حكيت فارس..بريتي باينة أزغر مع انه هي الأكبر .. أعتقد الأدوار الي مثلوها أعطت طابع عن السن بالاضافة العوامل النفسية كمان .. والخلقة نفسها سبحان الله يعني كمان هالأمر من عند ربي أكيد ..
عجبتني كمان مقارنتك بين آشواريا وكاترينا فعلاً الفرق الكبير بالسن مش ملحوظ لانه آشواريا دائماً تحت الأضواء لازم لازم وكمان لازم خخخخخخ تهتم بنفسها..غير الكم الهائل للأفلام الي بتمثلها آشواريا بتخلي المنتجين يهتموا بالناحية الجمالية الها وكمان هي أكيد من نفسها مهتمة بحالها حتى لاتضيع هالنجومية الرهيبة الي عملتها..
يعني ببعض تعليقات الأعضاء على صور آشواريا في بعض المواضيع المختلفة في المنتدى بيقولوا "أحس آشواريا كبرت وجمالها قل" العمر له حكم ولازم الانسان ييجي اله وقت ويختلف حتى لو كان قمة في الجمال .. الفكرة انو متل هالتعليقات يا فارس على النجوم بتخليهم يعملوا المستحيل عشان يضلوا بنفس الصورة الي رسموها لأنفسهم .. وهالشي دافع كبير ليزيدوا اهتمامهم بنفسهم ..وبالتالي ما يبان أثر الزمن عليهم..
موضوعك عجيب وحكيت مجلد أنا متل الي بالعة راديو خخخخخخخخخ السموحة ..