نسمة أنا مع رأيك في الفلم Qayamat Se Qayamt tak. جلست فترة وأنا أدور عليه وما صدقت على الله لمن لقيته. عجبني الفلم مرررررررررة وعدته كثير.
عامر كان صغير يجنن في الفلم. وزي ما قلتي تمثيله صح مو مثل الحين بس بالنسبة لأول فلم كان مرة كويس.
هههه ظحكتي في النهاية. أنا أول مرة ما أضحك على مشهد محزن لأني رحمته في النهاية. ايش
ذنبهم الأطفال بمشاكل أهاليهم وأخراتها هم اللي راحوا فيها. لمن كان يبكي عامر كان اي مثل الطفل يحزن. وهم صدق أطفال في الفلم. أحزن شي في النهاية وهم ميتين جابوا أغنيته الأولى اللي غناها في الجامعة. الأغنية مو مترجمة بس أنا فهمت انه يحاكي أبوه فيها ويقوله شوف يا أبوي حأبني لنفسي مستقبل (أو شي زي كذا). وآخرتها ان مستقبله الموت في سن صغير. يحزززن.
ومشهد ثاني حزني لمن راح بيتها وضربوه وفي نفس الوقت أبوه كان مصر ان يضربه لمن يرجع البيت. بس بعدين وقت ما رجع الولد كان مضروب ومجرح فراح وصاح وراح يبكي على كتف أبوه. رحمته.
المشاهد الحلوة له و جوهي هي اللي في الغابة. خاصة لمن الهبلة تروح تنام جمبه وهو قايلها تجلس مكانها. ههههه. وطبعا امن هربوا وسكنوا في بيت لحالهم وهو قالها تطبخ. وهي دلوعة أبوها ما عرفت اتسوي شي. هههههه.
قصة الفلم مأخوذة شوي من روميو وجوليت. بس من بد كل الأفلام اللي تتبع هذي القصة حبيت هذا الفلم أكثر شي. لأني أنا أصلن ما أطيق روميو بس أموت في راج. ههههه.
ميمو مرررة عجبني الفديو الكوميدي اللي سويتيه. خليتي عامر يرقص على أغنية عربية. هههههه. والأغنية صدق تنفع لريهان في فانا لأنه هو كان شايف حاله صدق "روميو" ويغازل زوني ك
ذا وما عليه من أحد. هههه.
وما شالله عليك عرفتي اتخلين اللقطات تلبق مع كلام الأغنية. خاصة لمن يقول "اذا كانت مش حلوة قولولها روميو مش هنا" وجبتي معاه المقطع لمن يدف صديقة زوني المزعجة عن طريقه. نفع مررررة. هههههه. كل الفيديو يجنن. 