[Iori]

اولا مساء الخير
ثانيا يعطيك الف عافية على موضوعك
وربي انه روعة وجميل للغاية

بالنسبة للممثلين اتذكر سوني ديول في الافلام اللي شاهدتها وانا صغيرة كانت حلوة ورائعة وثنائياته جميلة مع الابطال اللي يكون معاهم
مدري فعلا ليش الآن مانشوفه بس ماتطلع عن كون انه مايشوف النص المناسب له او ان اللي يختار له الأدوار مايعرف طاقاته وإمكانياته عشان يطلعها بالشكل المطلوب.. ممثل رائع زيه لازم يتوفر له مخرج وكاتب سيناريو رائعين عشان يطلع من جديد بشكل يعيد له نجوميته

اكشاي كانا كرهته والله من صغري لأن ادواره دائما شريرة وكنت اكرهه واخاف منه بس هذا لأنه اتقن ادواره فصار معروف ومشهور بهالادوار.. ودي اشوفه بدور كوميدي جيد لأن الافلام اللي شفتها له ماعجبتني ابد


نجي للممثلات

جوهي فعلا تناسبها الآن الادوار الجادة: أم، زوجة عاملة، اخت كبرى ومشاكل الأخوة، متاعب الزوجة مع اهل زوجها وربما عدم تقبل بعض اخوانها لزوجها، عدم الانجاب، التصرف مع مولود ذو احتياجات خاصة، زوجة تعني اهمال زوجها بعمله الخاص الخطير يعني اتوقع قصص مثل هذي راح تخلي نجم جوهي يسطع مجددا وتبين مقدرتها على أداء الأدوار الجادة والحلوة في قالب درامي، اكشن او كوميدي جميل بشرط توفر السيناريو الجميل لها واللي يبرز كل ماعندها من موهبة.. جوهي حقا رائعة


أميشا ايضا من الوجوه التي احب رؤيتها على الشاشة ومتابعة تمثيلها، لكنها إما محصورة بدور الغنية المدللة او الفقيرة التي تعاني ودائما عاطفية مفرطة لديها.. هذه الأدوار تحد من موهبتها بصراحة ولابد لها من التغيير إنما اين النص المناسب لذلك؟

بوليود للأسف يبدو انها تُسقط نجومها القدامى بقسوة شديدة ولا تتقبل إعطائهم فرصا تليق بهم وبأعمارهم.. يعني معقولة يظل الممثل لسن ستين مثلا يظل يمثل دور الفتى الأول ويمر بقصص حب وخلافه؟؟ لابد من تغيير الفكرة.. اعطوه دور معلم، طبيب يواجه متاعب، استاذ جامعة، اب او حتى جد مش مشكلة، يعني إما يمثل الدور الأول وإلا يروح فيها؟
طيب واذا ماعنده لياقة؟
مايقدر لأي ظرف يتنطط ويرقص وخلافه؟
معنى هذا يموت؟؟

والممثلات ايضا ليش هالهجوم والتدمير لهم؟
يعني كيران خير، جايا باتشان، هيما ماليني وريما لاجو وغيرهن، رائعات حقا ولهن فرص امومة جميلة فليش الممثلات اللي فوق الثلاثين مايختاروا لهم نصوص تناسب مرحلتهم العمرية وتنبع من ذات الواقع اللي يعيشوه؟
يعني لازم ترقص وتلبس عاري واجنبي وحركات مجنونة ماتناسب عمرها وإلا يُحكم عليها بالإعدام؟

بصراحة بوليود احيانا بعيدة عن التفكير الواقعي.. في هوليود تنعطى الممثلة القادرة على العطاء ادوار تلائمها وتليق بها، شوفوا مثلا كوين لطيفة.. اذا كانت بوليود تنوي تستنسخ الاجواء الهوليودية في افلامها ورقصاتها وموسيقاها فليش ماتنسخ هالفكرة ايضا؟؟

صحيح الممثلات والممثلين الجدد بعضهم اثبت نفسه بس مااظنهم ابدا بيثبتوا اذا ماينتبهوا لنفسهم عدل وإلا فوجودهم راح يكون فقاعة صابون

اعذري إطالة إيوري وثرثرتها لكن الموضوع اثار شجنا في داخلي

يعطيك من جد ألف ألف عافية
وليلتك طيبة يارب