[align=center]
رااااام جاني ..
خلللللللللللللاص .. الكلمه الشهيره للكينق في الفلم ..
من بدايه الفلم .. بنلاقي الولد اليتيم صاحب الكرامه والكبريااااء .. القوة .. الراااس اليابس .. العاشق منذ نعومه الاظفار .. واللي بيكبر وبيصير احلى واحد على وجه البسيطه .. راااام جااااني ...آآب اونكا ناااام .. رااام جااااني ..
من الوهله الاولى .. هو الشاب اللي لسه في ريعان الشباب .. اللي فيه كل الطاقه والحيويه .. بيصير نسميه صايع قليلا .. مرقص الشنبات والقدعان على وحده ونص .. بيحط عينه بعين اقدعها رجل شرطه .. وبيعند عليه .. وبيتطاول عليه ...
بعد اربع سنوات من السجن .. طلع الى الحريه .. وماقدر يشيل عينه عن حبيييبه عمره .. زي كانه اول مرة في حياته يشوفها .. منبهر .. حبييبته احلى وحده بالدنيا .. حاسس انو ملك الكون ..
اغنيه البوسااات كتييييييييييييييييييييييي يييييير حلوة وبعدها الاغنيه اللي لما كانو بالسينما .. تشوري تشوري
بيقلها هيا ايتها الجميله لنتقابل بالسر .. تشوري تشوري تشال هو جوري بي بلكي تشاوو مي .. وهي تقولو نااااري باااباا
وصوت المغنيييين كان رووووعه .. انا شاكه انو اوديت ناريااان .. بس خلووني اشيك .. 
.. دايما لما تسحرني الاغنيه .. بيطلع اوديت ..
وبالفعل طلع اوديت هو المغني .. مش معقوول هالانسان ماشااءالله عليه ..
بنرجع للموضوع .. من بعد هالاغنيه .. بنشوف الاحداث بدات تتعقد .. بدت الحياه تصعب .. تصير اقوى .. مابين رام جاني اللي بيحاول يرجع حقه الضايع .. بذكاء ودهاء .. ومابين بيلا .. اللي بتحب مورلي .. صاحب رااام جاااني الروح بالروح .. ومورلي اللي مش مسترجي يعبر عن حبه لبييلا لانو بيعرف انها الشي الوحيد اللي بيملكه صاحبه .. ولانه رااام جااااني حررص عليه لما كانو صغار انو مايقرب منها .. وكعهد من عهوود الاصدقاء ..مورلي على طول وبدون نقاش مابيقدر يخون هالعهد .. العهد اللي بينه وبين الصديق اللي غامر بحياته وتحمل العذاب عشانه.. قيمه حلوة بيعرضها الفلم .. الهنود بشكل عام في اغلب افلامهم بيحبه يدخلو الصداقه في النص .. زي مثلا فلم موجسي دوستي كاروجي .. بطوله ريتيك وراني وكارينا .. لما الاحباء بيضحو بحبهم عشان صديقتهم .. وزي فلم كوتش كوتش هوتا هيه .. لما الحب بيكون هو الصداقه .. والصديقه تضحي بحبها عشان اصدقائها .. والامثله تتعدد .. حلوة الصداقه في حياه الناس ..
ونعود مرة تانيه للموضوع ..هههههههههههه معليش .. كل شوي بلاقي حالي شطحت عم الموضوع الرئيسي ..
اغنيه راااام جااااني .. اللي هي بتكون بالعرس .. وبتجمع رااام جاااني وبيلا ومورلي .. كتيييييييير حلوة .. كمان بصووت اوديت ..
وكلمااااتها رووووعه .. كلها معاني حلوة .. وحتى رقصهم حلو .. وتمثيلهم بالاغنيه .. فووق الروووعه .. بالاغنيه .. بيلا بتحاول توصل لراااام انها ما بتحبو .. والله العظيم انو صعبان علي .. بس ماعلينا .. مادام احنا بفلم هندي .. اكيد رح يكون تطور فجائي بالاحداث ..
صارو يحسو انو من لما صار رااام جاااني معاهم .. وهم في مشاكل يوميه .. والشرطه يوميا عندهم .. وعم يضيعو واحد وراا التاني .. اصلا المشاهد لوحده بيحس بهالاحساس .. رااام جاااني اجاا .. وجاب مشاكله معاه.. .. واقرب الناس له .. هو اللي حسسه بهالشي .. بس بيرجع يندم .. وبترجع مشاعر الصداقه تظهر .. مشاعر الصداقه اللي من اهمها الخوف على الصديق .. ونصحه ..
بتحاول بيلا تتقرب من رااام جاااني .. يمكن سبحان الله يتغير .. بس بنفس هالوقت .. بتبدا البذور اللي زرعها رام جاااني في الشباب الصغار تنبت وتكبر .. وبدأو يصيروا نسخ منو .. على قد ماحاول مورلي انه يحبهم ويعوضهم عن اللي فقدوه .. بس ضلو يحسو بالنقص ..ومالقو رااحتهم غير في انه يتبعو راام جاااني .. لقو معاه القوه .. وهالشي اكيد خلاهم يتوهمو انهم خلاص .. ملكو الكون .. وصار عندهم كل شي .. هو الزمن بيعيد نفسه .. اللي صاار مع راام جاني هلأ عم يصير مع الشباب الصغار ..
بيلا بتتعب .. بتستلم .. كتييير تاثرت باللقطه لما قعد يصرخ ويبكي عشانو ضربها .. كان عم بيصرخ من اعماااق قلبو ..
بالنص ساعه الاخيرة من الفلم .. حسيت انو يعني رااام جاني في الطريق الى انه يصير انسان كويس ..
الاحداث تتوالى .. مابين مد وجزر .. والكينق عم يعمل دوووور راااااااااائع .. لو تشوووفوو كيف الكينق كان عم يحكي بسرعه .. وتعابير وجهه بتحكي بسرعه .. ابدا مش سهل انه يحفظ هالحوار الطويل ويقوله بسرعه .. ابداااع متناهي .. بتحسو مع كلمه فيه تعبير بوجهه .. تمثيل متقن .. واقعي .. حقيقي .. والكينق هو الوحيد اللي قادر يخليك تفرق بين فلم والتاني .. بيخليك تحس انك اول مرة بتشوفو .. لانو بكل فلم بيقدم دور غير .. الكينق وكما لم تره من قبل ..
في المحكمه .. الكلام كان رااائع .. كان رااام جاااني عم بيقول الحقيقه .. الصراحه ..
من لحظه المحكمه .. وكل شي بيتغير .. بالنسبه لالي .. مشاعري لرااام جاااني كانت متلخبطه .. ماكنت عارفه هل هو انسان منيح او لا .. هل فيه مبرر لتصرفاااته .. هل بيستااهل نحبو او لا .. بس صدقووني .. كل شي صااار واااضح باخر ربع ساااعه .. رااام جااااني .. من بدااايه حياااته لنهايتها وهو بيضحي عشان غيره ... كل انسان قتله كان عشان حدا بيحبه .. عشان صديقه .. كل ضرب تحمله كان لسبب ..
ضل صاااحبه مووورلي نمبر ون بحياته لاخر دقيقه .. يالله قد ايش بكيت وانا عم شوف رااام جاااني وهو عم بيحقق اخر امنيه طلبها منه صاحبه .. بكيت اكثر على الكلام اللي كتبه لبيلا بالرساااله .. رااام جاااني كان انسان بقلب طيب .. ابيض .. مش معقوول .. \حسيت انو الفلم ابدا مادخله بالصراع على المال او أي شي .. حسيت انه الفلم عن الصدااقه .. عن الامل .. عن قصه انسان .. ضحيه لغلطه عملوها الكبار .. عاش حياته بيدفع ثمنها ... ومات وهو بيامل انو تكون حياته افضل .. في الحياه القادمه .. مات مرفوع الراس ..
مات وهو متامل .. يلتقى ببيلا في الحياه القادمه .. يمكن وقتها يكون انسان شريف .. وتحبه ..
كتير تاثرت وهو عم بيقلها انو انا استسلمت لانه كان الوحيد اللي بقدر اعمله عشان تتجمعي انتي ومورلي .. وتاثرت كمان وهو بيقلها انو ماكان قصده يدخل بينهم .. ولا كان قصده يجي للحياه اساسا .. اغنيه رااام جااااني الحزيييينه كتييير مؤثرة ..
بيخلي المشاهد يتامل انو ولا حدا من الشباب يصير زي رااام جاااني .. يخلي المشاهد يتمنى ماتصير اغلاط بين الكبار .. ويدفع ثمنها الصغار ..
رااااام جاااااني .. وابداع اخر من ابداااعااات الكينق ..
خلللللللللللللللللللللللل للللللاااااااااااااصص..
http://intercard.in/images/Photogallery/small/img6.gif
^^
هالصورة بتجمع ابطال الفلم .. مابعرف شفتوها او لا .. بس شكلها من تكريم خاص بالفلم او شي زي هيك ..
[/align]