رأيي بالفلم
يا ريت تتقبلوه بصدر رحب
اول شي تاني بنت صوروها بأول الفلم انها عروس ومو اي عروس عروس وكانت تحب عريسها كثير وساعات ورح يتم زفافها من حبيبها وعريسها تمام ؟
تمام
ابوها الوحيد اللي الها بالدنيا هيك صورولنا تمام ؟
اوك
بيوم واحد فقدت الأثنيين حبيبها وابوها وارتبطت بواحد لا بتعرفه ولا شافته بحياتها وارغمت بالزواج منه بس لتريح والدها
اوك ؟
حطوه لا سمح الله حالكم مكانها هههههه
سنة ما بتنسيكم فاجعتكم
لاء وكمان تنجبروا ترتبطوا وتعيشوا مع زلمة انفرض عليكم فرض بس لأنه انتي وحيده وما الك حدا
موقف ابدا مو سسسهل
هلا واحده تحت كل هالضغوط وكل هالمشاكل ههههههه من وين لوين اصلا رح تفكر بالشخص الي قدامها مش تطلعله ولا حتى هتطلعله لو قدامها 24 اور + انها ما بتحبه
الحب بيخلي الأنسان يدقق بتفاصيل محبوبة صوته عيونه ملامحه جسمه لبسه
هاي اصلا سورندر مو ببالها
....
سورندر الأنسان البسيط مثل دور هندي من عامة الشعب بحرفنة فظيعه واحد بهيئة زلمة موظف عادي مبهدل نوعا ما شعر كثيف ع الجنب نظارة نظر كبيرة ملابس رسمية وبوط رياضه هههه
سورندر اول شي انتبه فيه بتاني انها بتحب الأفلام وبتحب ابطال الافلام اللي بيرفع حبيبته بالهو وبيضرب ميت واحد مشانها هههه يعني ببساطة بتحب هيرو
وسورندر اصلا هو وتاني ما بيحكوا مع بعض اصلا عاملين متل الجيران وبس كل واحد بغرفته يا دوب بياكلوا مع بعض وكلامهم جدا بسيط مع بعض
...
واحد متل سورندر حبها لتاني بده يعطيها حياته بس ليشوف الأبتسامة على وجهها من جديد ومعاه بس شي واحد او خيط واحد لأكتر اشي بتحبه
وهو لوك البطل بالأفلام
فحاول يغير حاله مشانها وما كان بده يخفي حقيقة انه غير حاله مشانها لولا انه الأمور معاه انقلبت وهي ما عرفته اصلا لأنها من الأول مش شايفيته قدامها ولا حتى بتفكر فيه يعني ببساطة متله متل اي واحد ماشي بالشارع قدامك ليل نهااار
....
هلا سورندر البسيط هههههه لما بده يحاول يغير بحاله مشانها
طبيعي جداااااا جدااااااا يكون اوفر لو ما كان اوفر ما هتصدقوا
طبيعي ما هيكون ساحر ولا جذاب متل افلام شاروكي الي بنشوفها
والا ليه هو مو هيك بحياته الطبيعيه
لولا انه بيتصرف بشخصيه مو اله شايف بس فيها مواصفات البطل
واحد بمنتهى بساطة سورندر يوم ما كان بيفكككككر يسوي نيو لوك هههه يوقف قدام المراي يجيب شعراته على جمب ويرفع كمام قميصه هههه يسوي شوية حركات هبله
راااج قمة الأفورة الي بالعالم ههههههههه طبعا اللوك المبالغ فيه الألوااان الكثيييير من اول النضاره لأخر الشوز نفس الالوان
طريقة الحكي المصطنعة كلها شخصيه خلقها سورندر في محاولة انه يكون بطل من ابطال افلامها ههههه بس
...
الفلم رااائع وبيمس قيمة كبيرة بقلبي
الأنسان ابدا ما بيعرف وين سعادته ممكن يضل يدور عليها طول عمره وهي قدام عنيه وفاتحيتله ايده كمان
+
ابدا الشكل ما بيدل على جوهر الأنسان الحقيقي
وعلى رأي العلامة راااهووووووول عندما قااااال
لا قميص من كورتا ولا بنطلون من لكنو يصنعون الرجل الحقيقي
الذي يعطي قلبه لمن يحبه
....
الأستعراضات من اجمل اجمل ما يمكن
كل واحد بمكانه الصحيح ما زادوا ولا نقصوا
هولي هولي : قمة السعاده الي بالدنيا لمجرد انها تركتله علبة الأكل الصفرا بدراجته الناس والعالم بتتخانق والزحمه والسير واقف وهو بيرقص فرحان ومبتهج متل فرحة الطفل البريء
..
غنية هاميرا هي بياركي بيرملنجي شالتي شالتي ههههههه كيف لما تركها راااج لتلاقي شريك تاني مدى تأثير هالشخصيه الأوفر عليها هههه دخللها جوه الفلم بكل شقاوته وتدخلاته بطريقة حكيه جوه الفلم شايفته بطل من ابطال افلامها اللي بتحبهم
الأستعراض بكل ما فيه خيييييال ومع كاجل وبريتي وراني اكثر شي حبيت
...
دانس بي شانس هههههههه روعة روعة روعة اولى خطوات تعليمه الرقص وكيف غلط وكيف علمته وكيف تعبوا ع حالهم لينجحوا ويوصلوا والا كيف رح يوصللنا انه اتعلم وصار كويس بالرقص غير بهالغنية من وجهة نظري متكامله وضافت للمشاهد كثييير وجود هالغنية كثير مهم
...
واخيرا توجمي رب ديك تا هي
شو ممكن اشعر او احكي عن هالغنيه ما هوفيها حقها قمة الرومانسية الي بالدنيا
تصويرها خرااااافي
كيف بص تطلع عليه بيكون راااج وكيف بس تلف وجهها عنه بيكون سورندور وهم بالأصل واااااحد والرومانسية الي شايفينها فكرة وعققل سورندر وتنفيذ رااج
هالغنية روووعة وبكل حالاتها حبيتها
....
بوبي العاااااااطفي الصديق الصدوق العسسسل حبيته كثير وضحكت لقلت بس منه الي بكى لبكائة واتفاعل معاه بكل افكاره وتخطيطاته الي ساعده ليكون قصة حبه مع تاني الي ما بخل بوقته ولا بنصايحه الفاشله ههههههههههههه لسورندر
انا بحب هالفلم ومكانة هالفلم عندي كبيره
بس اطلع ع الفلم يمكن بطلعله بعين مختلفه عنكم تماما
بس بجد بحب هالفلم مووووووت
وسوري طولت كثير
__________________
كم جميل لو بقينا اصدقاء ....
التعديل الأخير تم بواسطة TOMA SRK ; 11 / 11 / 2009 الساعة 34 : 12 AM
|