|
أشاعات مغرضه
بسم الله الرحمن الرحيم
السلام عليكم ورحمة الله وبركاته
تخيل عزيزي القارئ أنك في يوم خميس ومسكت معك غلط وقلت للمدام نبي نطلع
نتعشى برى وأخذت المدام مسوي أنت ووجهك رومنسي تبي تغير جو وفي الطريق مشغلين
شريط محمد عبده الأماكن كلها مشتاقه لك وخاشين جو مع الأغنيه وتاصل المطعم والأغنيه
ماخلصت وتقول المدام يالله نزلنا وأنت تقول أصبري ألين الأغنيه تخلص << خاش جو بقوه
المهم وتدخلون المطعم تقول كأنكم داخلين مطعم في بيروت وتجلسون على طاوله فيها شمعه
وحركات وشوي ويجيب لك صحن فيها زيتونه خضراء << مدري وش معنى خضراء
وأنت على نياتك تقول ماطلبنا زيتونه نبي القائمه يالأخو << شكله داخل مطعم بخاري
المهم ويجيب لك الجرسون أو برواية أخرى النادل المنيو
المهم وأنت تقرأ بغى يجيك شد عضلي في فكك السفلي من سهولة الأسماء اللي تقراها
واللي تذكرك بكلمة القسطنطينيه يوم كنا ندرسها بالتاريخ واللي ماعرفنا لانكتبها ولا ننطقها
المهم وتشوف على يسار الأسماء اللي ماعرفت تقراها شيء يخلي جيوبك تنتفض
من سوء مارأيته من أرقام خياليه تخلي ليلتك الرومنسيه ليلة الطفره
70 ريال أقل وجبه بالله قولي وش تسوي في هالحاله أترك الأجابه لكم
نرجع لمحور حديثنا ونبدأ مع كوينو
يحلفون انها مهووسه بالطبخ لدرجة أنها لاراحت للهاف مون اول شيء تفكر فيه أنها تطبخ
تدور ميكرويف وأذا مالقت تمشي حالها بكبوت السياره وتعجن ماء ورمل ألين يصير طين
طبعآ حاصله على جائزة المقلاة الذهبيه من منظمة الأمن الغذائي العالمي وشاركت في برنامج
(خليك بالفرن) الذي تم بثه على قناة ال بي سي اللبنانيه ولاننسى أنها حاصله على الدكتوراه
في الطبخ والتدبير المنزلي من قبل جامعة أوكسفورد الأمريكيه والقسم حقها كله مواضيع
تختص في الطبخ مع شرح بالصوت والصوره لله درك ياكوينو
أكليل الورد (أكبر دلالة براقع في منتدانا)
نعم أكبر دلالة براقع الملقبه بأم طحيسان ( زوجة غرشوب الأمارات )
مين مايعرفها من المحيط إلى الخليج تجاوزت شهرتها حتى وصلت لسور الصين العظيم
تربعت على عرش بساطات البراقع في سوق حجاب في فترة التسعينات يجيونها الزباين من كل مكان
حتى قبل فتره لقينا ثنتين جايين من كوكب زحل وعند سؤالهم عن سبب حضورهم لأم طحيسان
أكتفوا بقول بيقشور طبعآ أنا فهمت أن قصدهم يبغون يصورون معها
يالهذي البسطه العظيمه داقين مشوار علشان بس يصورون معها
ولكن للأسف أم طحيسان ماعاد تبسط أكتشفتها الأداره وهي تبيع مخدرات بوسط هالبسطه
يعني طلعت هالبسطه تمويه هههههههههه << وأنا أقول ماأسرعها سوت لها برج في سوق الديره
المهم أنهم كلبشوها وحطوها في سجن لحالها طبعآ راح تقولون ليش سجن لحالها
لأن أم طحيسان من يومنها صغيرها فيها عنقز من يومنها في رابع أبتدائي ولا راح منها لحد الحين
بس هذا مايمنع ان أم طحيسان حققت أنجاز خصوصآ أن الفنانه بريتني سبيرز صرحت
أنها راح تتحجب وعندما سؤالها ليش تتحجبين يعني راح تعتنقين الأسلام
ردت وقالت : لا بس ودي ألبس برقع من البراقع اللي تخيطها أم طحيسان
حتى محمد عبده مانزل أغنيته ماهقيت أن البراقع يفتنني ألا بعد ماخيطت ام طحيسان أول برقع لها
التعديل الأخير تم بواسطة .::MiLaNo::. ; 25 / 10 / 2009 الساعة 59 : 03 PM
|