[.::MiLaNo::.]

المشاركة الأصلية كتبت بواسطة ShahRukh_Khan

" اول ما ضغطت على ايقونت موضوع جديد طلع لي غبار زماان يافن "

معقوله ..

عزيزي القارئ يومك توقف عند " سوبر ماركت " وتشوف واحد طالب " بيره هولستن " وواحد ثاني طالب " عصير ربيع " .؟ اول تعبير يدور براسك شنو.؟ ......... اما بعد <== امحق من مقدمه

حسيت نفسي في روايه من روايات شكسبير يبدأ بالحزن ثم بالمديح بنفسه ثم يضحك الناس ثم يرجع يبكيهم مره ثانيه << وشرايك بالوصف

شخصيات و أبطال القصه/ البطوله لـ:

أنا : صويلح الأخ الأكبر
أمحق أخ أكبر الله من الدجه

مـايـا : مناير خزنة التاير! الأخت الوسطى!
هلا بأوخيتي مناير تشرفنا ..

ديم: بقشه الأخت الكبرى!
أما ديم أختنا الكبرى عزا الله رحنا فيها أنواع الطق اللي بيجينا

أدوار ثانويه:

ماهيما: مزنه
مدري مو راكب عليها الأسم

ladooo: موزه القعده
لو خليته تفاحه علشان يساعد في الذاكره
بس هم ماعليه تشرفنا بموزه صدق وش تقربلك بنانز ..

.MiLaNo. : مناحي الأخ الاصغر
ياولد أنا فهمت ليش حطيتني الأخ الأصغر علشان تتقوى عليه بس ماعليه
ماسك عليك شيء يخليني أتأمر عليك ..

ترى مو متعود أكون الأخ الأصغر حاس هالدور جديد علي << بالله أحذفوه من الدور السادس ..

أجمل كرينا : الجاره

ماأعرفها << كاسر دريشتهم البارح بالنبيطه

الأسطوره شاروو : ريح الجبل

هذا أسم الفيلم ولا أيش ..

الكومبارس :

فارس : الفلبيني
بالله أبغى أسوي مساج << ضيع

أندريه : الوالي!
هذا اللي يبغى الجواري والخدم والحشم
بالله قله ماتبي نحجزلك على موزبيق يمدحون السياحه هناك ..

عبودينوه: وحيد القرن!
عاشت الأسامي ..

-----------------------------------

عقب عصر يوم من الأيام كنا مجتمعين حنّا يا العائلة الكريمة وكما هي العادة كنا

نتجاذب أطراف الهواش فيما بيننا أنا وإخوتي الله مير يحرسنا باسمه وياقانا..اللي هالهواش غالبا مايكون من باب كل واحدن يدورعلى الثاني أي زلّة علشان يتوطى في بطنه فعندماعطست بقشه وحمدت الله..رددنا عليها: يرحمتس الله..بس مدري هي صقها ما أوحتنا والا هي اللي تصيقهت وتدورالمشاكل لكنها قالت:الله يرحمتس ياروحي عندتس حميرماتوحي!! ..

بس ماسكتنا لها هي قالتها والا ماقالتها عينك ماتشوف الاالنور .. تناقزنا عليها بس فكها الله: فقبل ماتاصل الدعوة مد اليدين ونتدابغ..إلا وجرس الباب يرن فنتطامرنا نبي نهج الباب فكلنا موجودين في البيت..والا لو حنا فاقدين واحد من اخواني فيخلف الله مافيه أمل ان احدن يبي يتقلقل من مكانه ..!!

مو أخوان WWF يعني متحدين في كل شيء << يحاول يصرف الموضوع ..

وفتحت الباب مناير واذا بحرمة !
أموت على التشويق

مزنه وموزه : يمه..يوه .. يمه ..عند الباب حرمه !!
والله حسسوني أنهم أول مره يشوفون حرمه وين الكرم قلطوها فشلتونا
وأنا كل يوم أهايط عند أخوياي وأقول حنا أهل الكرم أمحق أخوات

بقشه : وجع وجع! أمي ماهيب فيه! اطردوها
لاحد يلومها كانت خارج التغطيه ..

مناير: محسوبه علينا اخت كبرى رحي بعيد يلا انا بضيفها!
شوف الناس الأتكيت اللي تعرف الأصول

سوت الواجب منايـر وقلطتها ومالقت فـ المطبخ الا الشاي وقدمته لها
أحم أحم الجود من الماجود << عنده أخوان يأكلون الخضر واليابس ماخلو شيء في البيت

وكنا قاعدين كلبونا حولين الجاره كأننا بحلقة ذكر! وعيونا تتلاقط عليها
هههههههههه لا تعليق الصوره تحكي الواقع

الجاره : يازين العيال!
طيوبه هالجاره

مزنه: والبنات ؟
يالله بدت الغيره

الجاره : ايه يازينهن!

مناير :
حلو وصفت الحاله بصوره ماشاء الله عليك

بقشه : ترا ماهوب بس انتي قالت كل البنات
بديت أكره أختي بقشه ..

مناير : انقلعي بس

وبعد لحظات واثناء ماكانت الجاره منزله بيالة الشاي على الأرض وتسولف مع البنات .. واذا بمناحي يقول

مناحي: تبين بيالتك !!؟ وإلا أشربها !!؟

الجاره : !! لا حبيبي خـ..
طيوبه هالجاره فديتها

ويلقط البياله وهي مابعد خلصت كلامها وشربها بجغمه وحده : اااححح <-- صوت بعدد ماخصها
وش أسوي لقيتها تسولف وخلت بيالة الشاهي تبرد قلت أسوي خير ..

صويلح : منآآآآآآآآآآآآآآآآآحي منأأأأأأأأأأأأأأأأأأأأأأح ي

الجاره : بعد ماتروعت من الصوت : بسم الله على قلبي !

مناحي: هاااااااااه وش تبي؟!
تراني اكفخه لايمهكم شوفوني كيف أرد عليه بس تراني قوي

صويلح : قم بس قم سدحت لك طييييير ملعون من فوق الشجره!
سدحته يعني كيف رقدته بتنويم مغناطيسي ولا كيف

مزنه: لاآآآآآآ حرااام لييييه!!
شوفوا الناس الحساسه قايلكم مو راكب عليها الأسم

الجاره: ياوليدي ليه حرام ثم الله يعذبك بيوم القيامه!

صويلح استحى وقعد مع اخوانه حولين الجاره وقعد يسرد لها حلم أمس :
نتمنى لكم مشاهده ممتعه مع أفلام صويلح ..

صويلح : هيه تدرين اني قوي؟
جااي يتهاوش مو قاعد يسرد أقول فك وأفك ..

الجاره: يازين القوي

بقشه: لاتقولين يازين!
البنت هذي ماحبيتها حاولوا المره الجايه لاتحطونها في المسلسل وأنهو العقد معها مدري تمثيلها مو ذاك الزود ..

الجاره: كمل يالشاطر!
أقعد من قدك ياعم

صويلح : حلمت اني كنت يرقه ببطن أمي واستهبل على الدكتور اللي يبي يطلعني!
بالله فكوني عليه بس بأبوس خشمه << ناوي يعضه

بقشه: الله يلعنك خربت بطن امي !
البنت هذي بتتكلم صح خلاص خلوها تمثل ثلاث حلقات بس من الجزء الثاني

مناير: اجل الجناح اللي بالسور جناحك؟ ههههههههههههههه
هذي البنت برضوه بتتكلم صح خلوها تمثل الأجزاء الجايه كلها

الجاره : يحووول خلوه يكمل!
تطبق المثل اللي يقول سبق الغشيم وألحقه

صويلح : ايه المهم وفي المستشفى يوم شافوني عييت اطلع الين ما جرني واول ماجرني طلعت انا وقاطع كلوه من كلاوي امي وقاعد اتمرن فيهن كأني اشيل حديد !

مناحي : أحمد ربك ماحطك بالزباله ... وقعد يحتري الجنين يطلع بس هههههههههههههه
في الصميم << هذا اللي عرفلك

بقشه : تسدحت ضحك بعد تعليق مناحي ههههههههههههههههههههههههه
خلاص خلوها تمثل الأجزاء الجايه كلها

صويلح :
أمسك أعصابك لاينطق فيك عرق

مناير وموزه : الله يقرفك أقرفتنااا

الجاره: امكم وينها فيه؟!

البنات : بالمستوصف عندها موعد

الجاره : أجل سلمي عليها وقولي ام سعد جت تسلم فمان الله

لم تكن هذه الزياره الوحيده اللي نتجمع حوالينها كأننا أول مره نشوف مخلوق بالأرض لكن للزيارات بعايلتنا قصص كثيره.. يعني لا سير علينا أحد بدأو الأخوان بممارسة الشغل الروتيني!مثل مره جا ولد خالي راحوا لقطو تلفونه وقعدو يصورون بعض .. ولا خذو مفاتيحه وقعد يلعبون بالريموت!

مواهب مدفونه في هالعايله الكريمه

ولكن القصه لم تبدأ بعد !!<-- كل ذا ومابعد بدت
هذي المقدمه بس علشان تتحمسون << قاعد يرقع له

(1)

في أحد الليالي القمريه.. كانت مستلقيه بقشه على الأرض وتبي النومه بس النوم كان مجافيها ليلتها!

راحت فزت وقالت : اجل كود ارادح شوي وينهد حيلي واخمد ! جابت مسجلتها وشغلت اشرطتها المحببه للطقاقه أم طلال!

استنزلت بقشه و نقضت جديلتها وقامت ترقص كنها بقرتن هايجه! وأثناء الرقص لمحت شين يتهزهز في القرنه وقربت منه ولقت واحد واقف ويدق رقبه ومستناس من غناة أم طلال

سمت بقشه بالله وتكلمت : من أنت

اللي قاعد يدق رقبه : أنا ريح الجبل

بقشه مطيرتن عيونها : هاااااه

ريح الجبل : وصقه يضربتس قلت لتس ريح الجبل جعلتس الريح اللي تطيرتس

بقشه وهي بالعه العافيه : وش أنت ؟ وش جنسك ؟
ريح الجبل : أنا جنس ثالث <- مسوي ينكت
بقشه : أقطع واخس .. أنت أنس والا جن ؟
شوفوا ترى عندي أخت قويه ياويله اللي يقرب مني


ريح الجبل : جن يالأخو
بقشه بصدمه! : خوا جنبك بلا كل هالأنوثه وتقول أخو ؟ قل يا أخت
ريح الجبل : ارفقي علي يالليدي ديانا ! لعنبوا حيتس تسمعين بالأنوثه أنتي ؟؟ أقولتس انا جني وأنتي قاعده تناقطيني ولا رمش لتس جفن !! طوال الأشناب إذا سمعوا طاري الجن قاموا يتنافضون وأنتي تقولين أنوثه
بقشه: لا حووول أخلص علي بس وش جابك هنا!!
ريح الجبل : جابني الفقر والملعنه والحاله القشرى ! اقول عيدي الشريط يلعن ابليستس خربتي جوي ياوجه الفقر<- طربان الجني
بقشه بكل طفاقه : أقول اقول انت يالجني علمني وشلون تدق رقبه تكفى تكفى !
أخت على كيف كيفكم مونسه حالها ياحليلها

الجني : طيب أمري لله وش ورانا بس بشرط لفي كشتس لأن ريحتها قلبت تسبدي وتسبدي من الأساس فاضيه
بقشه وهي تلف كشتها : ابشر ماطلبت شي ولفت كشتها وقامت تردح هي والجني!

وفجـأه....!

ملاحظ الحرف الأول من الشخصيات مأخذ نفس الحرف من أسمائنا اللي في المنتدى مو الكل البعض أكيد أنك متعمد هالحركه << أنواع الترفيع