[وجه_____المرايا]

السلام عليكم
هلابكم حبايب قلبي
انا جيت هنا بسولف عن الرحلة حقتي لكن لا تدققون في الاملاء اكتب وانا ملحوق
وبعدين لو تعبت مشكلتك ترى طويل قرقر مال انا ولا فيه ايش يء من الترتيب

والله يا هذي الرحلة شيء ثاني
ترى مو برضاي رايح معهم غصب علي عشان انا اجازة الحين بحكم ان مجالي التعليم
المهم نشبوا في اسناني اللي تحبها فيفك ههههههه
الا تودينا طبعا انطلقنا لجنوب الرياض وكان الوجهة بعض القرى مزرعة فلان وحلال فلان وكذا من خرابيط الشيبان المهم رح هناك واول يوم انام انا ووجهي في مزرعة والله يا حشرات وبربسة مالها سنع
المهم اخوكم في الله تورط لكن وش حيلته عمه ولود عم ابوه شوفوا المشوار واحد صديقهم ايام الطفولة
والله البلشة
المهم صحينا من الفجر طبعا شيبان مافيه نوم
الا نروح نسلم على فلان الله يذكره بالحير اقولهم خلاص عاد شف التحطيم محد يرد علي كنهم يقولون حرك بس وشغل السيارة
هههههه
المهم
رحنا عند فلان الا الفطرو الا المراصيع وخرابيط الله وكيلك جنان
يوم صلينا الظهر قالوا نمر مزرعة فلان ويلة شغل يا فلان اللي هو انا
لا وتحسبون المزارع قراب كل وحده تمتير خمسين ستين كيلوا
وياجعل ما جاء سيارتي تكفير 
وصلنا هناك المهم طبعا طبع قروي بحت جاء فلان قال من هذا قالوا هذا ولد فلان يقصدوني
قال زين مشاء الله طلعت رجال ونعم الله
ماعليك زود هذا ان ارد
جاء العصر وصل خبر اني فيه قالوا ترى اختك فلانه موجوده
طبعا هذي اختي من الرضاع يمكن لي خمس سنوات دون مبالغة ماشفتها
قالوا تعال تبي تسلم عليك ورحت انا ووجهي طبعا امها مو هي اللي مرضعتني لا وحد مرضعتني ان اوياها فصرنا اخون
جلست في مجلس انا وياها وابوها ابوها طلع قال بجلس مع الشيبان وانت خلك مع اختك تراها مشتاقه لك
يقطع ام الفشلة ما انحط في هذ االموقف استحي جدا تعلثمات وخربطه وشي تجيني عجوز وتسلم علي وتقول وشلون ابوك هههههههه
تحسبها بتنشد عن امي قالت يوم ابوك صغير كان دايم يلعب عندنا مع عيالنا
ياليل اللي ما ينتهي
وتشد بيدي الاخت العزيزة وتقول خل نروح نسلم على امنا اللي مرضعتنا قلت وشلون صعبه قالت ما عليك
تدرون ما شفتها يمكن لي اكثر من عشر سنين بس والله ناسي وش كثر
المهم تجي معنا اختها وثنتين بنات خالتها
وانا اللي اورط بهم بس ونسوني مجانين
وخذ يا كركره
فعلا الحياة القرويه على قولتهم عفوية جدا وما في انفسهم أي شي من خرابيطنا يالمتمدين
ورحنا ووصلنا له الحرمه اللي على قولته مرضعتنا ويم جت اختي ودخلت طبعا هذا يصير بيت انا ولدهم من الرضاع يعني اقدر ادخل دون استاذان بس هي مرجوجه راحت تركض وشووي الا هي جاية تقول تعال ادخل
وانا اللي ادخل طبعا بيت في وسط شيء يشبه المزرعة
بس مدري وشو وعينك ما تشوف الا الضحك
مرة من جنبي بطه تمشي مليون وانا اللي اخاف منها وفطسوا علي من الضحك
سلم عليها وحبيت راسها والله عاتبني كثير كثير وشوي يجي واحد قالت هذا اخوك محمد وشوي وتجيك وحده قالت هذي اختك فلانه
فجاة لقيت نفسي جالس بوسط العائلة الكريمة وانا اول امره اشوفهم والله لو تشوفون ترحيبهم فيني وولهم علي مع اني متاكد اني مو على بالهم بس طيبتهم وصفاء قلوبهم مخليتهم مثل الملائكه
والله شيء جديد علي ويجنن
ممكن هذي الفقرة اهم مرحلة من رحلتي واكثر شيء استفدته
المهم بدت تغيب الشمس وانا احس اني بمقطعه
ودي امشي ارجع للمزرعة اللي فيها شيباني
المهم قلت بمشي وتلزم علي امي الا تنام عندنا يا يمه قولي غير ذا الكلام الا الا تنام
عاد وش يفكنا
المهم واعدتها اجي لها بكره وانام عندها
المهم قلت لاختي واللي معها مشينا تاخرنا خل نورح قبل لا يذن المغرب
يوم وصلن المزرعة
صارت صدمة لي مو هينه
لقيت ابو بنات خالة اختي واقف وفي عينه الف لعنه علي
قلت وش فيك عسى ما شر قال ليه تاخذهم من قالك ومن اذن لك وش تحسب الدعوة سايبة قلت يا ابن الحلال معنا اختي فلانه قال وش جابها اختك قلت يا ابن الحلال رضاعه وصارت اختي والمصيبة ان الشيبان اللي انا جايبهم محد فزع لي ولا حتى ابو البنت عما انا اقول وش السالفة
لا يصير نوى يذبحوني هنا ولا وش السالفه خفت والله العظيم شي يخوف نضراته كانت قاسية
المهم
في الاخير قام ابو اختي وقال لا يضيق صدرك
بس انت مخطي ما يصير تاخذ بنت دون راي اهلها وهذي تروح فيها ارقاب وهم بعد مخطين المفروض يقولون لابوهم
وابوهم كان يدري بس حب يخليه لك درس تتعلم منه
قلت والله ادري بس حسبتهم مستاذنين
المهم قالوا تعال الحين وتقهوى ويصير خير
ووحد منهم قعدت تصيح هي صغيره شوي ممكن عمره 16 وخافت من ابوها واختي تفزع معي وناسه تقول اسفين وقلنا بنوسع صدورهم يخاونا بدل ما يجلسون لحالهم
والله يا رد عليها رد انا ارتعت
المهم خويكم صار جه محمر من الموقف اللي هو فيه
ويلتفت على عمه ويقول بنمشي الرياض
قال لا تونا جايين اصبر
؟؟؟؟؟؟؟؟؟؟؟؟؟؟؟؟؟ حيرة مدري انحاش واخليهم ولا وش اسوي
ههههههههه
ايه هين انحاش
طبعا جلست وانا في راسي الف ضيقه توني شايف امي من بعد غياب طويل طالع كني بشار
هههههههه
جاو الشبان الملاح وخذ يا سوالف عن قضايا المحارم والبنات وخذ سوالف وضبح وذبيح وزواجات وخرابيط واجد هاستفدت منها كثير
وعلى قولتهم اكبر منك بيوم اعلم منك بسنه
وانتهى اليوم بسلام
جاء اليوم اللي بعده وطلعن لمكان اشبه بفلم مرعب بيوت منهده ومزارع ميته وخذ وناسه ياذا الشيبان تقول شايفين الجنه
صار كل واحد يتذكر ايام زمان
واحد منهم مر بيت ما بقا منه الا جدار ولا شوي بيطيح طين طبعا وصار يهيجن هههههههه
عاد انا خلاص انتهى صبري معاد فيني على اللي اشوفه تعرفن شباب يبي اماكن للشباب مو رايق للهخربطه والي قهرك ان هذولي اللي نروح لهم عندهم شباب بس يختفون مدري وين يروحون وانا يتوحدون فيني هالشيبان
المهم قالوا بنجلس هنا وشب نار يا وجه المرايا ههههههه حلوه
لو اقولهم اسمي وجه المرايا كان قالوا بسم الله عليك
هم ينادوني ابو عبدالرحمن المهم
صار خويكم شبيب نار في اقسى جو والله حر موت بس الشيبان ذولي مسكت على قهوه عاد وش يفكنا المهم بدوا يخثرون ويسولفون سوالف خاثرة واغلبها عن الزواج
والله ياي انا انبسطت
خبال الزواج انصحكم تتزوجون
والله السوالف اغلبها من تحت السره ولا كان اسولف لكم بعض سوالفهم
ههههههههه
وحده من السوالف تدرون ضحكت ضحك الين شوي وبطيح عليهم
بس هذي بقولها لكم والله يفكنا من عين الرقيب على قولتهم
ولحد يعلق عليها اقروها وكنكم ما شفتم شي
يقولك هذا واحد تاخر ما تزوج وكبر شوي في السن يعني يعدونه فاته القطار من جد وصل عمره 30
هههههههههه
حنا الحين الواحد اذا وصل الثلاثين يفكر بالزواج زي حالتي الله يستر علي ولا يعدونا لسى صغار وما كونا انفسنا
المهم كان فيه رجال متاخر عن الزواج وكان يخاف من الزواج كثير بحكم انه يحس انه كبر وخلاص معاد ينفع
المهم كان فيه حرمة مطلقة وكبيرة في السن شوي خطبوها له وقالوا تزوجها يعني سعوا في زواجه بالقوة
المهم كان خايف مره وهم كانوا يهونون عليه
المهم تم زواجه وطبعا اول كان اللي توه متزوج يصير في غرفة في البيت فوق ويكون بجنب هذي الغرفة مرزام
المرزام هذا عمود مفتوح على الشارع يسرب الموية سواء كانت مطر او غسيل
المهم كانوا يمرون كل فجريشوفون اذا الموية انكبت ولا لا
طبعا تعني الموية المكبوبة ان تسهلت امورة مع زوجته وتمت ليلة الدخلة بالوجه الصحيح
جاو لخويهم بعد ثلاث ايام وقالوا له وش فيك ما سويت شيء قال لا انا رجال وسويت كل شيء قالوا له ان تكذب والدليل المويه ما انكبت من عند بيتكم الصبح يعني انت ما سويت شيء
طبعا هم مهتمين انهم يشيلون الخوف اللي فيه من المرأة ويعيش حياته الطبيعية ويجيب عيال ويستقيم حاله
المهم اعترف وقال ما عرفت وانا خايف من هذا الشيء
الممهم قالوا له سوي كذا وكذا وماعليك امورك بتصلح
عاد انتاو شوفو لما الكبا يعلمون واحد توه بيتزوج انوع التعليمات حتى الامهات اذا جوا يعلمون بناتهم
( تذكرت اخوي لما جا بيتزوج والله والواد ما قصر معه علمه من الى ههههه )
المهم ارجع لسالفتهم جاء الرجال وتقربمن زوجته زي ما وصوه الكبار وهو كان خايف
طبعا تعرفون وش اللي يصير بالظبط ما يحتاج شرح بس اللي ضحكني ان خوينا هذا يم صرخت زوجته قام مفزوع ويسمي عليها وشوي الا بيصيح ويسمي عليها ويقول عسى ما مزعت بطنك بسم الله عليك
هههههههه
مزعت = شقيت
وانا ما قدرت امسك نفسي من الضحك اسلوب الشايب لما كان يحكي فضيع جدا يعني تخيلوا شايب ويسولف جدا فضيع طبع حكيهم فيه خفت دم غريبه
المهم سوالف كثيره من هذا النوع ومادروا ان معهم عزوبي تعمقوا في امور كثيره
المهم مر الوقت يوم صلينا العشاء قالوا نرجع
طبعا انا مواعد ناس بنام عندهم
يوم وصلنا للمزرعة قلت لواحد منهم يوصلني عشان ما اعرف الطرق زين
المهم رحت لهم لين الماما زعلانه قالت وينك بدري
في بالي تونا يعني بدري مره
المهم حطوا العشاء علطول كنهم ينتضروني بس اوصل
تعشيت وجالس مع ناس يعني جداد علي بمعنى الكلمة بس يعلم الله يحبوني كثير كنيهم يعرفوني منذ مبطي
المهم شوي الا الربع يتجهزون للنوم وانا اشوف تونا بدري الساعة مادخلت على 11 بعدها فهمت ليش هم زعلاانين عشان تاخرت النوم هناك بدري حيل
المهم جلست في الغرفة اللي جهزوها لي وطبعا مجلس الرجال هو

[align=center]7
7
7
هنا في قرقر ان يبغى اسمع سوي تحميل ملف[/align]
هههههههه