[T.L.B]

اول شي احب اعلق على الموضوع

بالنسبة لاميتاب ما اعتقد انو فيه بينهم خلاف ابدا لانو في كذا لقاء قال انو شاروخان ولدي وشاروخان في كل لقاء يذكر انو اميتاب سوى كده وهو الافضل والخخ

اما بالنسبة لعامر والله اني من اشد معجبينه بس الله يهديه ترى عامر انسان يحب يستفز هو عارف انو شاروخان من معجبينو بس هو يحب يرمي كلام على شاروخان من تحت الطاولة لانو عارف انو شاروخان يزعل بسرعة وبناءا على رد شاروخان ليه يقوم يقول هو الي يذكرني في كل لقاء والله انسان غريب
انا اتمنى شاروخان يفهم عامر ويبدأ يلعب معاها نفس لعبتو كده عامر راح يهدى وراح يعرف انو شاروخان عرفلو صح

اما بالنسبة لسالو ماراح يطول زعلو من شاروخان والدليل انو مهو قاعد يصرح بتجريح على شاروخان هو بس يبغى شاروخان يعتذرلو وانتو عارفين انو شاروخان راسو يابس
بس ان شاء الله قريب يتصالحو والله اني احبه سلمان بس لا يسوي رومنسي يفقع مرارتي لايق عليه الاكشن والكوميدي

اما اكشاي بصراحة مع احترامي لمعجبي اكشاي كومار ترى اكشاي عمرو ماراح يوصل لشاروخان حتى لو قعد يتشقلب وحتى لو ضرب نفسو بوية وحتى لو شال عضو من جسمو حايفضل اكشاي كومار ممثل شباك التذاكر لا اكثر ولا اقل انا ما انكر انو ليه افلام لاتنسى بس مو هو البطولة البطولة مشتركة لكن اي فيلم هو البطولة تلاقي الفيلم كلو جري وطيران وتخاريف وقصة زي وجه


ويسلموووووووو على الموضوع واعذروني على الاطاله وارجو احترام وجه نظري