|
الجزء الثالث
[YOUTUBE]oDeBIhggKcg[/YOUTUBE]
[align=right]شاروخ: ماهي اللحظة الأروع اللي تحفظينها في ذاكرتك من الفلم!!
أنوشكا: اعتقد انها المرة اللي جيت انت وAdi و Yashعندي وكنا نصور اللقطه اللي كنت اخانق فيها سوري اللي هو انت ...طبعاً اللحظة مو حلوه عشاني كنت اصارخ عليك .. لكن الحلو فيها لما جيتو لي بعد المشهد وقلتولي ان ادائي كان رائع وشكرتوني على تواجدي في الفلم ..
شاروخ: طيب تذكرين كلام الحوار!!؟
أنوشكا: ايه
شاروخ: سمعينا
(أنوشكا أعادت حوار الخناقه وشاروخ كان منسجم)
أنوشكا: هاه تبغاني أكمل!؟
شاروخ تنبه: اييييه كملي ابغى اسمع الباقي .. أنا انبسط لما اسمعك تتكلمين معي بإسلوب واطي .. كلامك يثيرني ..
أنوشكا مكسووووفه: شاروخ ..خلاص ..بس تكفى .. هذي اول مره اتكلم فيها في برنامج ..
شاروخ: طيب تبغين تسأليني عن أي حاجه!!
أنوشكا تسأل شاروخ: انت لعبت دور راج في دلوالي وراهول في كوتشي كوتشي هوتاهي و الكثير من الأسماء والشخصيات والأن لعبت دور سوري .... فمن هو شاروخ!!؟ هل ترى لمحات منك من خلال الشخصيات اللي مثلتها!؟ ... يعني مثلاً ممكن تقول "تعرفين ذا الشخصيه .. أنا مثلها تماماً" .. أو ياترى شخصيتك الحقيقية مختلفة تماما عن شخصيات افلامك!؟
شاروخ يفسر بثقة مهضومة: راح أقول شغلتين عن ذا الموضوع.. لأني الأن بدأت أحلل المسألة بما أني صرت مهم بما يكفي لفعل ذا الشيء ... عكس أول لما كنت أمثل بعفويه ..
فيه نقطه مهمه وهي أنو أنا ما أكون على راحتي لما اكون شاروخ خان
فأنا ما أحب اكون نفسي !! لذا أحب ألعب دور أحد غيري
وأعتقد أن الأشخاص الغير سعداء مع انفسهم يصبحون ممثلين .. وهم ليسوا مهووسين بشخصياتهم ولا هم مغرورين .. كل الحكايه انهم مايحبو انفسهم .. لذا انا ابغى اكون راج وسوري وراهول وباتمان وسوبرمان .. كل صبح اصحى من النوم على أمل اني أكون شخص أخر ... وأنا أنظر للوضع بعين الحاسد .. لأني لما أشوف الناس منسجمين مع أنفسم أقول في نفسي "يا الله قد أيش حياتهم رائعة"" ..
أنوشكا بتعاطف: تتكلم جد!؟
شاروخ: عندي رغبة اني اكون شخص أخر في كل لحظة من لحظات حياتي..
والشغلة الثانيه اللي ذكرتها في كتابي اللي لسه ما إتنشر لحد الأن ..هي كون حدود معرفتي بنفسي مشوشة ..لأني توقفت عن معرفة حقيقة من أكون!! ..ففي الوقت الحالي انا ما أقدر أتعرف على نفسي اذا ماكانت الكاميرا شغاله !! .. بل وأحيانا حتى لما تكون الكاميرا شغاله ما اقدر أتعرف على نفسي !!.. وهذا شيء غريب لأني ما ادري اذا انا سعيد بكوني "راج" ولا راج سعيد بكونه "أنا" !!.. ..
ولا أقدر احدد الفرق !! ويمكن هذا اللي خلى كثير من الناس يقولون اني أمثل شخصيتي في أفلامي .. والحقيقة أنوه حتى أنا ما أدري اذا كنت أمثل شخصيتي ولا لا!!..وانا لما أقول ذا الكلام ما قصدي اني أحيركم ولا أحاول أعطي التمثيل معنى وقيمه أكبر !!..
فمثلاً لما يحصل شيء يستاهل اننا نحزن عشانوه تحصلينني ما أدري هل رد فعلي هو تمثيل ولا حقيقه وكل اللي اتمناه اني اتجاوب كما ينبغي مع مايحصل حولي !! ..
وأحيانا يجيني شخص يشكيلي من شيء وأبتدي أشعر بالحزن عشانوه لكني فجأة أشعر اني على غلط.. واسأل نفسي: هل أنا فعلاً متعاطف معاه ولا أنا فقط جالس أمثل دور المتعاطف!!؟ ..
أنوشكا متفاجأة وعيونها تفيض بالتأثر : انا فاهمتك فعلاً فاهمتك ..
شاروخ: وأنا سعيد بأني مو عارف من أكون .. لأني بإعتقادي أديت أدوار شخصيات جيده .. أحبهم وأشعر بالقرب منهم .. وأمشي وأتكلم مثلهم .. فمثلاً أنا أقدر اتكلم بشكل متواصل من دون ما اتوقف للتفكير لما أكون "سوري".. وبرضوه "دون" و "كبير خان" اقدر أؤديهم في غمضة عين!! وكثير شخصيات ينطبق عليها نفس الكلام .. لكن في اللحظة اللي ينتهي فيها دوري تملأني الرغبة بالإبتعاد وتقمص شخصية أخرى !!..
ويعلم ربي انوه كل فلم قمت بتمثيله -ويمكن لحد الأن مثلت ستين فلم- يعلم ربي إني ماعمري مثلت فلم إلا وتركت فيه قطعه مني .. تركتها في بعض اللحظات او بعض المشاهد او بعض اللقطات وانا عارفها بالتحديد لأني لحظة ما أنتهي من المشهد أقول في نفسي "إحساسي هنا كان صادق وهذا هو انا على حقيقتي" وهنا أكون تركت جزء مني ..
وأنا يتملكني الخوف من شيء واحد فقط .. وهو بما أني تركت أجزاء كثيرة مني في أفلامي راح اصحى في يوم وألاقي أني انتهيت ومابقى شيء عشان اتركوه .. وفي ذيك اللحظة راح أعرف انوه حان وقت رحيلي ..:crying:
أنوشكا: معنى كذا انوه راج وسوري وراهول ودون لو إمتزجوا راح يكونون لنا "شاروخ"!؟
شاروخ: ويمكن ولا واحد فيهم ..تدرين مره قلت لواحد أنا اتمنى أجمعهم كلهم في غرفة وحده وأجلس أسولف معاهم .. وراح اسألهم "هل أنتم مبسوطين بإني مثلتكم؟" .. لأني كنت سعيد بتأدية أدوارهم .. وهناك كثير أمور أسويها لما أكون !! ... مدري كيف أوصفلك ... ويمكن هذا اللي مخليني دايماً في حالة تمثيل متواصل...
وربما الحالة الوحيدة اللي ما أكون أمثل فيها هي لما أنام .. بس برضوه بما أني مو شايف نفسي وأنا نايم يمكن أكون جالس أمثل وأنا مو داري ..
أنوشكا: شاروخ هههههه ..
شاروخ: فمن أكون أنا!!؟ ما أقدر أجاوب على ذا التساؤل لأني عمري ماكنت "حقيقي" .. الحاصل أني عايش حالة من التمثيل المتواصل .. فأنا انسان خجول ومنغلق وهاديء وبصراحة أنا شخصياً ممل وقريب من شخصية "سوري" ..لكن في اللحظة اللي تشتغل فيها الكاميرا تحصليني فجأة دخلت الدور ومثلت أي شخصيه أبيها .. وهذا شيء يمتعني أكثر من تواجدي مع نفسي ..
أنوشكا تسأل: ما مدى إختلاف وتميز فلم "ربني" بالنسبة لك مقارنة بباقي شخصياتك و أفلامك !؟ لأن Adi قال انك فعلاً حاب ذا الفلم..
شاروخ: أنا حبيت الفلم ومجنوون فيه .. وبرضوه انا كثير مبسوط عشان Adi قرر يخرج فلم من هذا النوع .. فهو من الناس المقربين لي وأعتقد انها شجاعة منوه ان يقدم على إخراج ذا الفلم لأنوه فيه حمل كبير على ظهروه بما إنوه هو اللي أخرج فلم "دلوالي" سابقاً وفي كل مره يخرج فيها Adi فلم جديد راح يقارنوا الناس بين فلم "دلوالي" والفلم الجديد .. لأنك لما توصلي القمة في النجاح تخسري القدرة على مفاجأة الناس بعمل ناجح لأن الجميع يتوقعون منك ذلك مسبقاً .. لذا راح يكون واجب عليكي انك تضاعفي مجهودك والمشكلة انك احياناً بسبب مضاعفتك لجهودك تبوء محاولتك بالفشل .. لذا فأن مسألة النجاح هي فعلاً موضوع خطير ..
وزي ماقلت قبل .. فلم "ربني" لم يمثل عن طريق التعمق بالتفكير ولكن مُثل بالمشاعر لذا انا سعيد بخروجه للنور .. وهذا شيء مميز بالنسبة لي لكن الشيء اللي فعلاً مميز في فلم "ربني" هو وجودك فيه .. وأنا راح اتذكروه دائماً لأن أنوشكا شرما كانت في فلم "ربني بنادي جوري" ..
أنوشكا بإمتنان: شكــراً
شاروخ ينزل من على الكنبه: وأنا ماحصلي فرصه ادخل معاها في رومنسيات ولا حتى هي .. لذا أسمحيلي أضم إيدك وأقولك "I Love You" وشكرا لكونك جزء من فلمنا واللي ابغى أقوله للجميع (شاروخ يقلد إسلوب سوري) أن هذي حبيبتي "تاني" ومثل ماقلت لكم من قبل ان اللون الأصفر هو المفضل عندي والبرتقالي هو ثاني لون مفضل عندي بس اليوم بما انها لابسه أسود راح يكون هو اللون المفضل عندي ولو أنها جايه بدون ملابس راح يكون برضوه مفضل عندي ..
(أنوشكا تعطي شاروخ بوكس وهمي)
شاروخ: لكن كان التواجد معاها شيء جميل وهي انسانة رائعة والفلم ايضا رائع لوجود "تاني" فيه .. واللي راح نسويه الأن هو شيء ماسبق انكم شفتوه .. لأني بحط راسي في حضنها وهي راح تضمني بحنيه وزياده راح تشوفون اول بوسه علنيه بيننا .. تعالي هنا
(أنوشكا تضحك وتقرب وبيبوسو بعض على الخدين)
شاروخ: مشكوره كثير ويبارك فيكي ربي ..[/align]
__________________
|