تحقيقاً لرغبة صديقتين عزيزتين في المنتدى يسعدني ان اقدم لكم ترجمتي المتواضعة للمقابلة التي قدم فيها شاروخ انوشكا للناس .. والمقابلة من ثلاث اجزاء ..
الترجمة فضلت اصيغها باللهجة العامية عشان تكون مقبوله اكثر .. اتمنى انها تحوز على رضاكم ..
الجزء الأول
[YOUTUBE]kB0pEAVkCBM[/YOUTUBE]
شاروخ(بإسلوب سوري): نمستي .. أنا سورندر ساني .. ومن حسن حظي انوه حصلي فرصة التقي بيكم .. واتكلم معاكم وجها لوجه ..
أنا اشتغل في "بنجاب باور" عشان أنور حياتكم لكن اليوم أبغاكم تلتقون بنور حياتي .. وانتم طبعا عارفين اني اتكلم عن "تاني جي" اللي مافيه مثلها ..
من اللحظه اللي شفت فيها "تاني جي" وقعت في حبها .. من ضحكتها ورقصها حسيت اني اول مره في حياتي أشوف امرأة..
وطبعا بعد هذا تغيرت حياتي واصبحت كلها متعة وفرح ..
وزواجنا سعيد وفعلا مبسوطين .. حتى اننا سافرنا لليابان .. وانا التقيت فيها قبل اربعه او خمسة شهور .. وكلكم شفتوها قبل ايام قليله (يقصد عرض الفلم) لكن اليوم راح أقدمها لكم وتشوفونها وجها لوجه ..
فرجائا ابي منكم تصفيقه كبيره ترحيبا بزوجتي الوحيدة "تاني جي" ...
(تدخل انوشكا)
شاروخ: تفضلي اجلسي ..
خبرينا يا أنوشكا .. كيف كان شعورك بعد عرض فلمك بما انك دائما كنتي في الجهه الأخرى من الكاميرا ... وكنتي يمكن لما تبغي تشوفي فلم جديد تقولي لنفسك "بشوف الفلم لمدة ساعتين وفي الاخير يطلع معقول ولابأس فيه .. لكنك والان اصبحتي امام الكاميرا وأكيد فيه من قالك "ياسلام ايش ذا الفلم الرائع" وطبعا احسستي بالسعادة ..ويجيكي شخص ثاني يقول "كنتي مبدعه في ذا الفلم الرهيب ..فعلا عجبني" .. ويجي غيروه ويقولك "مدري بصراحه ماعجبني الفلم لذاك الحد " .. ايش راح يكون شعورك!؟
انوشكا: لما يقدرني شخص اكيد راح انبسط .. لكن لو احد قالي انوه ماحب الفلم او ماحب دوري فيه راح اقول في بالي "ليش لا!! أنا حبيت الفلم وحبيت شخصيتي فيه "
تدري ياشاروخ .. انا قلت لـAdi (المخرج) لما شفت الفلم اول مره .. حتى لو اني ماكنت في الفلم راح احب اتفرج عليه ..لكن بما اني الان مثلت الفلم فأحس اني ما اقدر انظر له نظرة موضوعية واني انحرمت من الاستمتاع بمشاهدته كفلم يستحق المشاهدة ..
شاروخ: يعني انتي تعتبرين نفسك ماتفرجتي على الفلم!!!
انوشكا: لا اكيد انا تفرجت عليه لكن بما اني مثلت فيه
شاروخ يقاطع: يعني انتي شاهدتيه بطريقه مختلفه عن مشاهدتك للأفلام قبل!!!
شوفي بقولك شي عن نفسي .. انا اول مره تفرجت على اول فلم لي raju ban gaya gentleman كان يمكن قبل 18 او 19 سنه .. كرهت نفسي فيه .. كان شكلي قبيح على الشاشة لدرجة اني جهزت شنطتي وتوجهت للمطار وانا مقرر اني اترك مومبي ولا عاد ارجعلها ..ولا راح امثل بعد اليوم ..
انوشكا: تتكلم جد ياشاروخ!!!
شاروخ: بجد اتكلم معك .. قوليلي انتي الحين كيف كان احساسك لما شفتي فلم "رابني بنادي جودي" اول مره !؟
انوشكا: كان نفس شعوري ..
شاروخ بخفة دم: كان هذا شعورك تجاهي !! (يمزح معاها وكأنه يقول انتي كمان شفتيني قبيح!!) ..ولا كان هذا شعورك تجاه نفسك !! اسف .. معليش ... قلت لايكون انتي من فلمي الاول الى اليوم شايفتني نفس الشيء
أنوشكا تضحك وهي محرجه: لا لا لا
أنوشكا: شوف .. انا قالولي بعض الناس ان تقبلي لنفسي زي ما اشوفها على الشاشة راح ياخذ وقت .. وانا لحد الان ماوصلت هذي المرحلة لكن كلي امل اني مع مرور الوقت اتقبل نفسي ..
شاروخ: قوليلي يا انوشكا .. هل انتي تفضلين شخصية "راج" في فلم دلوالي .. طبعا كنتي صغيره .. ياجماعة انوشكا عمرها 37 سنه
انوشكا تضحك وتهمس: 36 .. 36
شاروخ: ايه صحيح 36 ... الا قوليلي كم عمرك!؟ ماسبق اني سألتك عن عمرك!؟
انوشكا: عشرين
شاروخ: عشرين بالتمام؟
انوشكا: بالتمام
شاروخ: معناتها انوه لما كان عمري 23 كنتي انتي تنولدين في مستشفى من المستشفيات وجالسه تصيحين وااا وااا وااا ..
تدرين ... انا احس بالغرابه لما افكر بأننا لما انولدنا ماكنا نعرف لوين راح نوصل ولفين بنروح ومن الشخص اللي بيدخل حياتنا ... وطبعا انا ماكنت اُعتبر موجود بالنسبه لكي لما كان عمرك يوم واحد .. على الرغم من انوه كثير بنات حبوني من اول يوم ...
انوشكا تضحك: ايه .. اكيد انت شاروخ خان..
شاروخ: لكن تخيلي انتي عمرك اقل من نصف عمري
انوشكا تقاطع: انت جالس تصورلنا الوضع كأنه سيء بكلامك هذا ياشاروخ .. لكن لو تدري اني طول فترة تصوير الفلم عمري ماحسيت اني جالسه اشتغل مع شاروخ اللي عمره 43 .. انت بطبيعتك تتصرف وكأنك واحد من الشباب اللي اعرفهم ومن عمري ..ويمكن مو تصرفك بس .. اعتقد انك تفكر وتتكلم مثل الشباب اللي من عمري ..
شاروخ: لكن انتي عارفه اني راح يقبض علي بتهمة التحرش بطفله!!؟ (هههههه شاروخ قصده بلاش مجاملات يا انوشكا ومهما قلتي انا راح يضل عمري دبل عمرك)
انوشكا: شاروخ هههههههه
شاروخ: طيب قوليلي انتي كشابه متمدنه ومواكبه لعصرك وتفكرين زي بنات الوقت هذا ..
بما اننا دائما نحاول نخلق بطل جديد واتوقع انك شفتي فلم دلوالي قبل 12 سنه ..
انوشكا: كان عمري 7 سنوات ذاك الوقت .. وكان اول فلم اشوفه في السينما مع اهلي .. والعجيب ان اول فلم اشوفه يكون من تمثيلك ومن اخرج Adi
شاروخ: هذا هو القدر والمكتوب ..
شاروخ: طيب أرجع لسؤالي .. انتي كشابه متمدنه ومواكبه لعصرك وتفكرين زي بنات الوقت هذا .. من الشخصيه اللي تفضلينها .. راج ولا راهول ولا عمران طبعا ما اقصد فنانين انا جالس اتكلم عن شخصيات شابه من افلامي فمن تفضلين منهم بالإضافه الى سوري!!؟
انوشكا: تدري.. انا اعتقد اني ماشفت شخصية حبوبه ولطيفه ومهضومه مثل شخصية سوري..
وبرضوه انا اشوف ان راج اللي في فلم دلوالي يشبه سوري ولكن كان الجانب السلبي ظاهر فيه اكثر من سوري ... وانا ارى سوري صاحب الشخصيه الواضحه بدون غموض هو الأقرب لي ..
شاروخ: طبعاً انوشكا مالها اي هدف من كلامها هذا .. هي تتكلم عن الشخصية اللي حبتها في اول فلم لها (
يقصد انها ماكانت تمدح في سوري كدعايه للفلم)
انوشكا تضحك: سوري هو كل شيء بالنسبه لي ..
شاروخ: طيب قوليلي هل انطباعك المبدأي لأي رجل راح يكون مختلف اذا ماكان مظهره عصري !!؟
انوشكا: خليني اكون صريحة ..
شاروخ يقاطع: ايهم اهم من وجهة نظرك ...المظهر الخارجي ولا خفة الدم ولا اسلوب الكلام ... بمعنى هل تقدرين تتخطين حدود المظهر الخارجي للشخص الذي ستحبينه !!؟
انوشكا: بصراحه ... اعتقد ان الانجذاب المبدئي راح يكون للمظهر الخارجي .. رغم ان الشخص يمكن يكون او مايكون من تبحث عنه .. وعلى اساس الانطباع الأول راح تتخذ قرارك ... لكن مظهر الشخص مهم من حيث الشكل واللبس والشعر واذا له شنب او لا .. (البنت بصراحه جدااا ذكيه .. تروح وترجع لشخصية سوري)
ترجمة:
[align=center]AlaiZa[/align]
من يرغب في نقل الترجمة يتفضل ولكن ينسبها لمن ترجمها