|
arab's got talent دعوة للنقاش
برنامج عمل ضجة اعلامية كبيرة ونص سكان الكرة الارضية راحوا يقدموا عليه ليشتركو فيه.. عاملين هالبرنامج ومحسسيننا انو مفخرة للعرب او شي عظيمـ .. نفسي اعرف شو السر انو كل ما الغرب بيعملو شي بييجوا العرب بيقلدوا.. فعلا إمعة ... الكفار بياخدو منا الصفات المنيحة واحنا بنلم من وراهم سفاسف الامور واتفهها وبنقلدها.. لحظة سكوت نسأل حالنا سؤال:هالبرنامج شو اضاف النا كأمة اسلامية وعربية؟ للاسف الكفار عمبرسمولنا خطة واحنا آعدين عم نمشي عليها .. وكأنا مكفوفي الاعين ..مسلوبي الارادة .. وكأننا دمى بيحركونا زي ما بدن .. كل هاي الجهود عميبذلوها حتى يسلخونا عن حضارتنا ويجردونا من ثقافتنا .. يقتلعونا من جذور الدين والعرف والتقاليد.. يغيرونا في الصميم .. هلأ انا مارح اقول اني شيخة وماشفت منه الحلقة الاولى ولا رح اقول انو برنامج بشد لوجود المواهب الحلوة اللي فيه... وانو برنامج بشد الشباب .. هادا لانو احنا ايماننا ضعيف ومش قادرين نميز البرامج المفيدة من المفسدة .. بنحضر كل شي بينعرض النا عالتلفزيون .. وهالحكي مش بس ع هالبرنامج بس .. كمان المسلسلات التركية والاجنبية والهندية ايضا .. نرجع لموضوعنا .. ماننكر انو هالبرنامج حلو .. بس لازم ننتبه انو حرام و دمار شامل بالنسبة النا.. يعني ع هالحالة بعد كم سنة كل الشعب رح يكون اما مغني او عازف او ممثل الخ ... بعدين اللي عنده موهبة يروح عأمريكا يقدم ع "American got talent" بس مش يجيبو بؤرة الفساد والفسق لـ عنا .. ع بلادنا .. عند شبابنا . خسارة يا مسلمين عنجد خسارة .. ومكسب للاجانب ليحتفلو بخسارتنا .. هاي دعوة للنقاش.. خلينا نفكر بصوت عالي ..ونتشارك ارائنا .. ونتناقش فيها .. شاركوني بأفكاري المبعثرة .. بإنتظاركمـ |
الصراحة انا ما شفته بس شفت الاعلانات فقط
اتمنى نشوف اراء الجميع يعطيكي العافية مدمنة |
موضوع حلو .. شوفي عسولة .. أنا شفت جزء من الحلقة الأولى الجمعة الماضية .. هلأ أوكي من ناحية في تقليد للغرب طبعاً في . وهو أصلاً كل البرامج بالقنوات العربية أغلبها تقليد .. البرامج الجماهيرية تحديداً الي فيها جدب للناس والمشاهدين بشكل كبير .. خاصة الشباب .. أنا بعرف فكرة البرنامج للي بفوز بالنهاية بيكسب لقب ومبلغ من المال بالاضافة أكيد للشهرة الرهيبة الي حصلت اله من الدخول بالبرنامج وانو العالم تشوفه .. هلأ كبرنامج مافي شي مخل بالأدب والاخلاق .. من وجهة نظري.. خصوصا لو شفتي المواهب بتجمع من كل الأصناف ومن كل الأعمار .. لسة بيضل اهون كتير من برنامج متل ستار آكاديمي .. واجتماع شباب وصبايا بنفس المكان لأشهر .. واهون بكتيييييييييييييييييير من المسلسلات التركية برأيي وأثرها عالناس أصحاب النفسيات الضعيفة .. لانو في ناس بتابع للمتعة من دون ما تتأثر .. هلا لو انتِ من الي شايفين الاغاني حرام وهيك اوكي البرنامج بيدعو لهالشي .. بس كمان في موهوبين بالشعر و بالعزف .. وكمان الرجال الكبير الي اخدوه لانه موهوب بمرونة الجسم مع انه بأواخر الستينات .. برأيي البرنامج مسلي اكيد متل محكيتي .. اوكي ممكن احكي بيلهي كتييير وبيشغل خصوصاً للي بيركزوا فيه .. في امعة للغرب اوكي هههههه .. بس مافي تصرف سيء ويخدش الحياء .. بالاخير الموضوع قابل للنقاش واكيد اختلاف الراي لايفسد للود قضية .. يسلممووا على هالطرح الحلو .. |
رايي من راي غيداء=) هالبرنامج يهون بكثيير من كذا برنامج ماخذينه من الغرب.. واوله ستار اكاديمي وغيره من البرامج الماسخه.. وهو بالاخير البرنامج للتسليه وجمع مواهب من العالم العربي.. واكيد بانتظار آراء باقي الاعضاء بموضوع النقاش.. تسلمين ياقلبي على المووضوع.. يعطيك العافيه.. |
مشكوووره على طرحك للفكره
أنا رأيي ان البرنامج له جوانب سلبيه وأيجابيه واحس جوانبه السلبيه أكثر لكن هو يظهر على الجانب الاخر مواهب أخرى غير الغناء الذي اصبح المطربين من كثرهم لانذكر اسمأهم بس انا الصرااحه لايعجبني تقليد الاجانب بس أمر الله هنعمل ايه ؟؟؟ تسلمي على الموضووع واقبلي مرووري :Cheer |
اقتباس:
حبيبتي غيداء انا بيسعدني ردك بموضوعي ونقاشك فيه .. لاني بعرف انك بتمتلكي الاسلوب الحلو واللبق والعقل الكبير والمدرك.. انا بفكر عالمدى البعيد انو رح يصيرو كل الناس ممثلين او مغنيين او عازفين .يعني كله في مجال الفن وبيغضب الله.. بس ما انكر زي ما قلت سابقا انو في بعض المواهب الحلوة.. زي الطفل الفلسطيني اللي الف قصيدة والقاها بأسلوب رائع بس هالنوع من المواهب للاسف قليل والاكترية جايين ليغنوا او يمثلوا او يعزفو ..الخ اسعدني رأيك حبيبتي |
اقتباس:
اكيد حبيبتي في برامج جديرة بالذكر اكتر من هدا زي سوبر ستار وستار اكاديمي .. ولو علي كنت حكيت عنهم .. بس خفت تقولو شوهالبنت الناقمة ع كل البرامج خخ الخوف مش علينا ..الخوف عالجيل الجديد الصغير اللي اول طموحه يصير يغني ويطلع عالتلفزيون ..الخ .. مبسوطة بردك الله يعافيك |
اقتباس:
هدا اللي بحكي عنه كترة المغنيين اللي بطلنا نقدر نعدهم قد ماهم كتار.. والتاني تقليدنا للغرب .. يعني شو هالطموح لما كل الشعب يصيرو بدن يصيرو مغنيين وعازفين؟؟ بس اكيد في مواهب تانية غير هاي بس للاسف قليلة الله يسلمك:48: |
للاسف انا ماهتميت في هالبرنامج ولاشفته الا مرهـ وحدهـ بس انا رايي ان مافيه الآ خراب العقول وانه يدمرون الصغار والكبار للآسف ماشوف فيه منفعه لو كان يبحثون عن مواهب ماتتعدى ديننآ الاسلامي كان ممكن نقول حلو !! لكن للاسف برنامج فآشل.. هذا رايي الشخصي واختلاف الرآي لايفسد للود قضيه.. .. انتقاءجميل لطرحك الموضوع .. اجمل تحياتي لك.. |
انا اشوف انه برنامج زين يعني احسن من البرامج الثانيه يعني بعيد عن مجال الاغراء ة العري مثل ستار اكاديمي و فيه مواهب كثيره ما كنت اتوقع انها تكون عند العرب |
| الساعة الآن 34 : 10 PM |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
adv helm by : llssll