منتـــديــآت عـــآلم بۈلـــيۈۈد

من تجربتي الفترة البسيطة الماضية
سوآء بالمعهد الي شغالة فيه
أو من سنوات تواجدي بالمنتدى ..
لمن ما نحاول نرد الاساءة باساءة
أو الجرح بجرح في أغلب الأوقات بنطلع كسبانين ..
أحسن حل عدم الاهتمام واللامبالاة ..
أولاً أجرك عند الله كبير ..
تانياً حتلاقي انك مرتاح نفسياً ..
وأغلب الوقت رآح تلاقي الي أزاك أو جرحك
استحى على نفسه
ولو ماحاول يصلح الي عمله
حيحاول ما يتعرض الك مرة تانية ..
بكل الأحوال الاهمال هو الأفضل ..
وعاد عارفين شو الصعب صعب عن جد ..
بس أثره مضمون بشكل كبير
الاحسان للمسيء .
هلّأ هاد صعب كتير حتى بالنسبة الي ..
بحكي لنفسي أنا مو ملاك عشان الي أساء الي أحسن اله ..
يعني أقصى كرمي وأخلاقي هو اهماله
وعدم اعطاء قيمة للي عملوه ..
بس مرة جربت احسان لحدا أساءلي ..
هلّأ أوكي الاساءة ما استمرت كانت بوقتها وبس
بس كانت شي قوي وأثر علي والله ..
مع هيك بعد فترة نسيت
والشخصية الي أسآءت
لجأت الي بدها المنساعدة في وقت صعب بالنسبة الها ..
عشان أكون صادقة مع نفسي ومعكم
فكرت بالأول بيني وبين حالي
أساعد أو لا ؟
لانه ما بتستاهل ..
بعدين قلت يا بنت ساعدي ومع الله ما بيضيع
وفعلاً ساعدت بشكل كامل ..
والله الآن هالشخصية تغيرت 180 درجة
معي .. كمية احترام وتقدير الي كبيرة ..
حسيت بهالشي ..
وبنفس اللحظة بعد ما ساعدتها والله اجاني تلفون عن
خبر كنت بستناه وكان خبر مفرح والي بدي اياه ..
قلت هادا ربنا كآفأني ..
مو سهل على فكرة تقابل الاساءة بالاحسان
بس قررت من يومها أحاول أعمل هيك .. دايماً ..
وأقل شي أقل شي ممكن أعمله
عدم الاهتمام أو اني أحط ببالي الاساءة أو المسيء ..
أجر ورآحة وسعآدة عن جد ..
وبس خلآص كاني زوّدت حكي .خ7.