منتـــديــآت عـــآلم بۈلـــيۈۈد - ♥♥ مدرستك تحت المجهر ♥♥

* ما إسم مدرستكـ ؟!.

الابتدآئيه : عبدالله بن الزبير
المتوسطة والثانوية : بمدرسة أهلية .

* كم نسبتك العـأَإم الماضي او الثانويه العامه..>> يالله طلعوآ الفضآيح ؟!.

السنة اللي فاتت 3 ثانوي

كانت 97,82% ( علمي ) .

* كم ترتيبكـ ؟!.

الحمدلله من دخلت المدرسة وانا ترتيبي دايم الأول

إلا إذا كانوا معاي بالصف مصريين ماشاءالله عليهم المصريين محد يتحداهم بالدراسة

* كم كان عدد الحصص ؟!.

الابتدآئي ( 5 - 6 )
المتوسطه ( 7 )
الثآنويه ( 7)

* ماهي مادتكـ المفضله ؟!.

ENGLISH + التآريخ

* تحب/ي تذآكر/ي من الدفتر ولآ الكتآب ؟!.

من الدفتر ازين , الكتاب يدبل الكبد

لو فيه ملخص بعد يكون احسن هههههه

بس اول ثانوي ماكان الا كتب نذاكر منها

* هل إنت/ي من النوع اللي تحب/ي تشخبط/ي عَـ الكتب والدفأإآتر ؟!.

لا والله

بس فيه واحد من العيال كان حاط طاولته سبورة لنا اللي يبي يفضفض

ويعبر يجي يكتب عليها هههههههه

وعاد اذا كنا طفشانين انواع الخواطر والذكريات ومقولتنا الشهيرة

إستاذ ناصر متى علينا تعود

لأنه نقل عن مدرستنا .

* إذا إنت/ي متخرج/ي شو المرحله اللي حبيتها/حبيتيها ؟!. لماذآ ؟!.

ماقدر أحدد لأن كلهن فيهن ذكريات ماتنسى من 3 ابتدائي إلى 3 ثانوي

بس امقس صف أول إبتدائي غثيث

* هل أنت/ي من النوع اللي يتكلم/تتكلم كثير في الفصل ؟!.

أي والله أتكلم هههههه

خاصة إذا المدرس قعد يكتب ع السبورة

التفت على اقرب واحد عندي ونقلبها سوالف

لأن مو معقولة أقعد طول الحصص ساكت

* من آكثر معلم/معلمه حبيته/حبيتيهآ ؟!. شو كآن يدرّس/تدرّس ؟!.

كل اللي بذكرهم اللي انا كنت عندهم الطالب المفضل

وهم

أبو بشار ( محمد ثابت ) أردني درسني في أول إبتدائي وأسسني صح

وكان مخلص بعمله لأبعد حد

وهذي فرصة أشكره فيها الحين , لأني الحين صرت احصد ثمار اللي زرعه فيني من العلم .

( عبداللطيف الفحام ) يدرس دين بصف 2 ابتدائي , بس مشكلته كان يقولي دايم حلق شعرك

( سعد صقر المطيري ) لغة عربية بصف 4 ابتدائي .

( وليد الشمري ) لغة عربية بصف 5 ابتدائي كانت له كاريزما عجيبة .

( ناصر السهلي ) تاريخ , جغرافيا بمرحلة المتوسطة كلها. عاد هذا أفضل مدرس ونكتة ورهيييييييب

وحصصه كنا نعد الايام على ماتجينا مايخليك تمل بوقت الدرس ودمه خفيف

وعليه قطات مو صاحية هههههههههههه

اللي اذكره من قطاته كان واحد من اخويانا من أول متوسط إلى 3 ثانوي معاي إسمه ( هايف ) وهايف كان بطة

جاء عند إستاذ ( ناصر ) قاله إستاذ بروح أتوضا , قال طيب هايف أنت إذا جيت تتوضا تغسل من الحنفية والا يفتحون عليك المراوش ؟؟ ههههههههههه

أستاذ ( أسعد فارس ) مدرس رياضيات بالمتوسطة كلها .

أستاذ ( منديل الميموني ) هذاك المدرس فيلم ههههههه مدرس دين بصف 3 متوسط .

أستاذ ( محمد فاروق ) مصري درسني إنجليزي

وأفضل لكنة إنجليزية من شخص عربي سمعتها

وكان شرحه رووووووعة بصف 2 و 3 ثانوي .

* كم كـآن عدد الطلاب في فصلك؟!.

بالابتدائي كان تقريبا 34 بالفصل

المتوسطة و الثانوي مابين 22 و 25

* فين كـآن مكانك في الفصل ؟!.

مكاني الأساسي في بداية الصف

لكن إذا بغيت أفصل أرجع مع الربع ورا

* من كـآن جنبكـ؟!

كآن جنبي يآلابتدآئي طبعا مطربنا ههههه ( عبدالله بندر ) , ( عبدالعزيز سرحان ) , (علي خلف) , ( محمد عبدالله ) , ( مشعل صكب , خالد صكب ) << توأم

بالمتوسطة : ( محمد عبدالله ) , ( محمد نافل ) , ( هايف) , ( عبدالمجيد سعود ) ,(مشعل مخلف ) .

بالثانوية : ( محمد عبداالله ) , ( محمد نافل ) , ( صالح سعود ) , ( عبدالعزيز قاسم ) , ( عدنان ) , ( أحمد دغيم ) , ( سامر الرديعان ) , ( عبدالعزيز المطيري ) , ( نايف هايف ) , ( ثامر الشمري ) , ( أحمد خاتم ) .

* كم مره كتبت/ي تعهّد أو مخآلفه ؟!. لمآذآ ؟!.

و لآ مره

* كم مره إنطردت/ي من الحصه ؟!. لمآذآ ؟!.
كم مرة وأغلبها من مدرس واحد مدرس الأحياء

أنا مالي داعي مدري ليش هذاك المدرس كنت أفصل عليه

مرة وقفني اخر الفصل وارسل واحد ينادي المرشد الطلابي

عاد قعدت اكلمه ياستاذ مالها داعي ندخل المرشد بالسالفة

والا الاعيال قالوا جاء جاء المرشد يوم فتح الباب الا طلع هندي المدرسة ( مونشيك )

هههههههههههههه وانا مت ضحك عجزت امسك نفسي وطردني برا الصف .:n200614:

كم مره إنحرمت/ي من الفسحه ؟!. لمآذآ ؟!.

ولا مرة

فيه احد مايتفسح وابو الخير هو اللي يطبخلهم !!

والله كان عليه طبخ مو طبيعي الله يذكرك بالخير يابو الخير .

* عمرك آتهزّأت/ي من مدرسّك/مدرّستك ؟!. لمآذآ ؟!.

مرة وحدة مانساها من مدرس الفنية بأول إبتدائي

سبق وذكرت هالموقف , دخل علينا وقال ارسموا ( جمل )

مافهمت وش جمل !! أعرف ناقة بس جمل لا هههههه
وكنت مستحي اساله , قلت خلني ارسمله وردة << رومانسي من هو صغير خخخخخخخ

لأني ماعرف غير هالرسمة اهلي حفظوها لي من قبل لادرس هههههه

المهم رسمتله وردة ومديتله الكراسة

الا جتني كراستي على خشتي , وقعدت ابكي يوم كامل ورحت لأخوي بالبيت

قلتله تعال طقه قالي ماعليك منه هو منقهر منك عشانك كاشخ بشنطة بيتربان

ههههههههههه

* هل سبق رسبت/ي بسنه ؟!. في آي صف ؟!. كم مره ؟!. لمآذآ ؟!.

لآ الحمدلله

* كم مره هربت/ي من الحصّه ؟!. وإذآ هربت/ي صآدوك/ي ولآ لآ ؟!.

تهريب ماهرب

* كم مره نمت/ي في الصف ؟!.

اصلا الصف مايجيني فيه النوم

بس مرات انعس شوي هههههههه

* إنت/ي في مدرسه أهليّه ولآحكوميه ؟!.
الابتدائي حكومية
المتوسطة والثانوي بأهلية بس متشددة حيييييل

كأنها حكومية ؟

* في حدآ بالمنتدى كآن معآك/ي في المدرسه ؟!.

لا

* موقف صآر لك/ي في المدرسه ومآتنسآه/تنسيه ؟!

بأول إبتدائي بعد كان بنفس صفي ولد جيرانا

وكنت أنا أمس عندهم في بيتهم

وأخته بصف 4 وشنطتها عليها سنووايت

ومن بكرا بالمدرسة جاء أخوها ( علي ) لابس شنطة إخته كاشخ فيها

وأنا على نياتي شفت الشنطة وقلتله علي هذي شنطة إختك ( طفلة ) ؟؟

تجمعوا عيال الصف وقعدوا يصايحون اييييه إسم إخته ( طفلة ) عرفنا إسم إخته ههههههه

والمسكين قعد يبكي

عاد والله قعدت أراضيه يوم كامل وحسيت بالذنب .

بالنهاية أشكر دلوعتنا على المواضيع الحلوووووة

واللي من خلاله تذكرت أيام طفولتي ومدرستي

يسلملي مخك دلووووعة على الافكار الحلوووووة

بهوووت بهوووت شكريا ولك مني أحلا تقييم .