منتـــديــآت عـــآلم بۈلـــيۈۈد - بيت حبايب ريتيك روشان [ 11 ]

[frame="1 98"]تقرير اليوم عن الظهور الخاص لريتيك في بعض الافلام

بالاضافة للبطولة المطلقةاو ادوار مساعدة مثل كبهي خوشي كبهي غم

ريتيك كمان ظهر في بعض الافلام كضيف خاص من سنة 2006

و كانت مشاركتو الخاصة الاولى بفيلم I see you من بطولة ارجون رامبال

و كان ظهورو باغنيةsubha subhaالاغنية اللي ظهر فيها كمان الكينغ خان

بالرغم من انو ظهر بلقطة واحدة الا انها كانت خاصة ... خصوصي لما يمر جنب ارجون

http://im23.gulfup.com/2012-06-22/1340372380291.gif

الشي اللي يخلي الكل يتمنى يشوفهم بفيلم كامل مع بعض

الدور كان بسيط و فكرتو حلوة... شخص بييمشي بالشارع و مبسوط و عم يصفر

و ثاني مشاركة كانت بفيلم om shanti omلعب شخصيتو الحقيقية

و كان ظهورو قبل بداية حفل توزيع الجوائزو راكيش كمان شارك معو

http://im17.gulfup.com/2012-06-22/1340373339861.jpg

المشاركة كانت لبضع ثواني و كنت بتوقع انو بيظهر بالاغنية مع النجوم او على الاقل بالحفل

ثالث مشاركة و يمكن هي الاطول لحد هلأ في الفيلم الرائع luck by chance

قالت المخرجة زويا اختار انو الدور رح يكون اسطوري و فعلا... الدور كان حلو

و ما شفنا ريتيك فيه من قبل وابدع فيه لدرجة كبيرة

ظافر خان ... النجم الكبيراللي بيتدلع على المنتجين و المخرجين بيحسبولو الف حساب

اول مرة بشوف ريتيك بدور شخص اناني طماع شايف حالو يستصغر الكل و مفكر حالو الافضل

حبيت الدور ... ريتيك كان رائع فيه و هذا النوع من الادوار اللي بدنا نشوفو فيها

عجبتني لقطة لما توقفت سيارتو و الاولاد هجمو عليه... عجبتني حركاتو معهم

هاللقطة كتير احترافية و تخليك تغوص في عمق الشخصية و تكتشف شغلات كتير

بالرغم من صغر مساحة الدور بس ريتيك كان فوق المستوى

و في مشهد الحفلةاول شي لاحظتو انو كانت كارينا موجودة بنفس المكان

لو ترجعو تشوفو مشهد كارينا المفروض ريتيك يكون وراها لانو كان جالس

بس كان في لقطة صغيرة بين فرحان و ايشا قبل ما ينتبهو لوجود ريتيك

كان ممكن من مشهد كارينا ينتقلو لمشهد ريتيك او يدمجوهم بمشهد واحد

بس لاسباب تمس امن المدام سوزان فصلو المشهدين بمشهد صغير

و مشهدي ريتيك و كارينا تصورو منفصلين ...خاب املنا اهئ

ريتيك و كاران جوهر كانو بارعين في الهمز و اللمز ههههه جابو سيرة كل العالم ... حبيت المشهد

و آخر شي الكاميرا بتركز على ريتيك و بعيونو شي من الغيرة و الندم لانو رفض الدور و الخوف على مكانتو

http://im16.gulfup.com/2012-06-22/1340373452381.gif

و احلى شي بالفيلم اغنية baawre فيها ريتم عالي و رقص ريتيك كان خيال

من زويا لفرحان و المشاركة بفيلم don 2

كلنا بنعرف انو ريتيك كان المرشح الاول لدور الدون و فعلا مثل دور دون بس بطريقة ثانية

صح انو ظهورو كان صامت في اغلب الاحيان بس الصمت مرات بيكون ابلغ من الكلام

من خلال رقصو مع بريانكا في الف لغز و لغز بعيونو ... دخولو مع لارا دوتا كان شي تاني

خروجو الغامض كمان كان رائع و احلى شي لما نزع القناع و تحول لشاروخ ...احلى جزئية بمشاركتو

http://im13.gulfup.com/2012-06-22/1340373518471.gif

بهالفيلمين الاخيرين صحيح مشاركتو كانت قصيرة

بس الفيلم كلو كان مبني على اساسها بخلاف المشاركتين اللي قبلهم

و في فيلم اخير شارك فيه ريتيك ...بس لسه ما انعرض

main krishna hoon لسه بكير الحكي عنو rahul هو دور ريتيك

قالو انو هالمشاركة لا تنسى...ما بعرف بس شكيت انو رح يلعب لاول مرة دور اب

http://im21.gulfup.com/2012-06-22/1340373634271.gif

لانو من نظراتو للولد حسيت اما ابوه او مثل ابوه

هذا كل شي ... بتمنى يعجبكم التقرير[/frame]