بليز ساعدوني ولا أقول تعالو أقلطو عندي

[الدور السابع]

السلام عليكم ورحمه الله وبركاته


وشلونكم شباب صبايا (( متأثر بستار أكديمي ))


كيفكم وش اخباركم


أخوكم في الله الدور السابع قدر الله عليه يوم من الأيام وشاف فيلم ولله ما أعرف أسمه بس مشهور الفيلم مره


وفيه شاروخ خان . كاجول . هرتك . أميتاب. كارينا وهو فيلم (( عائلي ))


وبعد ماشفت الفيلم في الليل مارحت بكره للجامعه من التأثر والحزن الي في الفليم


أتصل علي زميلي وقال لي وش فيك ماجيت اليوم قلت والله شفت فيلم هندي وتأثرت وصار مالي خلق أروح للجامعه


قالي زميلي: الشره مو عليك الشره على الي يمشي معك قلت طيب وش رايك تجيني الحين وتأخذ الفيلم مني قال طيب خلنا نشوف وش الي خلك ماتروح للجامعه يالرومانسي


أشرقت الشمس وجاء بكره


ورحت للجامعه أدور الرجل بسأله عن الفيلم مالقيته أدق على جواله مقفل وأتصلت عليه بعدين قلت وش فيك ماجيت اليوم قال كله منك ومن أفلامك



وضحك الجميع , وأكل أحمد التفاحه ((( مالها دخل صح )))



ومن بعدها صرت مدمن أفلام هنديه خاصه أفلام الكنق شاروخ خان



ولايهون زايد خان , وسيف خان بختصار كل شله خان فيهم الخير والبركه



المهم تراني أبعدت بالموضع ولو تعطوني وجه زياده والله ما أستكت إلا بكره




الي أبغه ياحبايبي


أمس شفت فيلم zindaggi rocks وبصراحه فيلم مابعده فيلم أفضل فيلم بالنسبه لي في السنه 2006 وبصراحه الممثل الي مثل الفيلم تمثيله مره روعه وفيه شبه من الناحيه الدارميه بشاروخ خان
وأول مره أشوفه


ياليت الي عنده معلومات عن هذا الفنان يعلمني أسمه, أفلامه , سيرته , هل هو من الممثلين المشهورين


والي ماعند معلومات يدخل ويسلم

[ارام]

حبيت اقوولك انه هالممثل اسمه Shiny Ahuja مو قديم بالساحه الفنيه بالعكس طازه مثل زمان دورفيلم بس كان قصيرر بس تووه الحين يكتسب شهرره وله فيلم اسمه Gangsterابدع فيه مرررررررررررره وله فيلم الحين اسمه woh lmahe

انشالله اكوون افدتك بشي

[SAIF ALI]

السلام عليكم ورحمة الله وبركاته اعتقد ان الفيلم كابي خوشي كابي غام فيلم حزين بس ليه ما اعطيت الفيلم للاساتدة كنت اخدت انت وزملائك يوم عطلة :giggle:

[باب الليل]

والله حلووووووه السااااالفه <<< اندمج معاها :)


هلا فيك أخووووووي ....