26 : التوفير
الحلقة بتحكي عن التوفير وعرضت افكار مختلفة
برأيي هالحلقة بترتبط بحلقة
الاستهلاك من جوانب متعددة
حلقة مهمة خاصة ان بعالمنا الحالي بنلاقي كتير ناس حولينا ويمكن احنا منهم كتير بنصرف على اشياء ما بنحتاجها
27 : الشباب نعمة ام نقمة؟؟
عرض
الشقيري بهالحلقة امثلة على سلبيات قلة الانجاب ركز فيها على
اليابان
وراح على مدينة معينة كان تعدادها 120000 وصاروا 9000 نسمة
وبورجينا بالحلقة كيف ان في 30 مدرسة تم اغلاقها وقسم الولادة بمستشفى المدينة مغلق من
7 سنـين.!!
هالمدرسة مثال على الحالة الي رح تصير فيها مدن ودول عظمى في المستقبل
هاد دليل على ان حكمة الاسلام في الانجاب وسطية
الحمدلله 
حلقة 29 : توضيحات
نطيت على هالحلقة عشان الخص شي تعرضله احمد الشقيري
لو بتابعوا رح تشوفوا ان في مظاهرات طلعت ضد احمد في اوروبا وامريكا لمنعه من دخول هالقارتين و التصوير فيهم
السبب انهم اعترضوا على بعض افكار وفهموها بطريقتهم
1- فالوا ان استاز احمد نسب ظاهرة تفجر البركان في بومباي لأفعال سكان بومباي اللااخلاقية مع انها ظاهرة طبيعية لا يمكن تفسيرها بهالطريقة والاولى ان ربنا يفجر بركان في روما قبل بومباي لان سكان روما كانو منحلين اكتر - حلقة الا المجاهرين -
2- قالو ايضا ان احمد الشقيري قرر مصير سكان سان فرانسيسكو انهم في النار مش باالجنة بسبب افعالهم وانه ما بحقله هالشي - حلقة الا المجاهرين-
المهم جماعة اسمها جماعة الحريات هي الي اعترضت وقامت بالمظاهرات
لهيك تم تخصيص جزء من حلقة 29 لتوضيح الفكرة
قال احمد ان اي خطا فهو منه ومن الشيطان ومن افعاله البشرية وانه هو ابدا ما قال ان تفجر البركان كان بسبب افعالهم لان هذا في تألي على الله انما فقط قصص قوم هود وعاد فرعون وغيره المذكوره بالقران هي الصحيحة مئة بالمئة وغيرها الله اعلم ممكن يكون السبب افعال السكان وممكن اسباب لا يعلمها الا الله
نفس الشي تحدث عن النقطة التانية
شوفوا كلام استاز احمد بهالحلقة يعني جد رائع
شخص فعلا متواضع هدفه ابدا مش تجاري ولا ليشهر حاله
بده يوصل فكرة للناس بطريقة خفيفة سلسة تدخل ع قلوبنا بسهولة
شكرا احمـد 